Aýa raıy
Astana -22 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Belgııa soty Statı alaıaqtyǵynyń jańa dálelderin qarastyrady

2020 jyldyń 26 qarasha 2020 09:35

NUR-SULTAN. QazAqparat - 17 qarashada Belgııadaǵy brıýsseldik apellıatsııalyq sot Qazaqstan Respýblıkasyna Moldova azamattary Anatol Statı, Gabrıel Statı jáne olardyń Ascom Group SA jáne Terra Raf Trans Traiding Ltd («Statı») kompanııalary jasaǵan alaıaqtyǵyna qatysty pozıtsııasy men materıaldardy túbegeıli túrde usynýǵa ruqsat berdi, dep habarlaıdy QazAqparat Ádilet mınıstrligine silteme jasap.

Alaıaqtyq «Qazaqstanǵa salyndy» dep boljanatyn Statı ınvestıtsııalaryna áser etedi jáne Statımen 2013 jyly Qazaqstan Respýblıkasyna qarsy alǵan tórelik sheshimniń zańdylyǵyn buzady.

Alaıaqtyq faktisin rastaıtyn qolda bar barlyq dáleldeme, sonyń ishinde Statı kompanııasynyń qarjylyq eseptiligine aýdıt júrgizgen KPMG Audit LLC («KPMG») kompanııasynan jaqynda alynǵan mańyzdy dáleldemelerdi sottyń tolyq qaraýyna Statı kedergi keltire almady.

Budan buryn habarlanǵandaı, 21 tamyzdaǵy hatynda KPMG Statıdiń qarjylyq qujattary boıynsha Qazaqstanǵa boljamdy ınvestıtsııalaryna qatysty jasaǵan barlyq aýdıtorlyq esepterdiń kúshi joıyldy dep tanýdan basqa amaly joq dep málimdedi («KPMG korrespondentsııasy»). Jalpy alǵanda, bul Statı kompanııalarynyń úsh jyl qarjylyq eseptiligi úshin KPMG daıyndaǵan on segiz aýdıtorlyq esepti qamtydy. Statı jasaǵan jalǵan mámilelerge qatysty aqparatty Statı KPMG-ge ádeıi bergenine qatysty jazbasha dálelderdi táýelsiz qarastyrǵannan keıin KPMG óziniń aýdıtorlyq esepteriniń kúshin joıý týraly bul óte mańyzdy jáne sırek sheshimdi qabyldady.

KPMG sheshiminiń saldaryn bile otyryp, Statı bul jańa dáleldemelerdi sot talqylaýy kezinde muqııat qaraýǵa jol bermeý úshin jasyrýǵa tyrysty. Jańa dáleldemelerdi jasyrý boıynsha júıeli naýqannyń nátıjesinde osy ýaqytqa deıin Belgııadaǵy nemese basqa ıýrısdıktsııadaǵy birde-bir sot KPMG korrespondentsııasyn jáne onyń tórelik sheshimniń jaramsyzdyǵyna áserin qarastyra almady.

2020 jylǵy 17 qarashadaǵy sheshimmen Belgııanyń apellıatsııalyq soty Statıdiń sot isin toqtatý týraly ótinishin qabyldamaı tastady. Sot Qazaqstan Respýblıkasy alaıaqtyq týraly isti tolyq kólemde qaraý úshin odan ári protsestik áreketterdi jalǵastyrýǵa jáne tórelik sheshimniń oryndalýyna narazylyq bildirý úshin qolda bar barlyq negizderdi, sonyń ishinde KPMG korrespondentsııasyn qosa alǵanda usynýǵa quqyly dep qaýly etti. Bul sheshim KPMG korrespondentsııasy jańa jáne iske qatysy bar dáleldemelerdi, atap aıtqanda tórelik sheshimniń «sapasyna», ıaǵnı jaramdylyǵyna qatysty dálelderdi qamtıdy dep uıǵarǵan sol apellıatsııalyq sottyń burynǵy qaýlysynan keıin shyqty.

Belgııalyq apellıatsııalyq sot Qazaqstan Respýblıkasyna Statıdiń alaıaqtyǵyna qatysty jańa dáleldemelerdi qandaı da bir shekteýsiz usynýǵa múmkindik beretin protsestik kesteni belgiledi. Sonymen qatar, sot isti tolyq qaraý úshin úsh kúndik tyńdaýdy taǵaıyndady.

Bul sot 2017 jylǵy maýsymda aǵylshyn Joǵarǵy Soty tórelik sheshimniń alaıaqtyq jolmen alynǵandyǵy týraly jetkilikti dálelder bar degen qorytyndyǵa kelgennen keıin, qazirgi ýaqytta qol jetimdi alaıaqtyqtyń barlyq dálelderin birinshi ret qarastyrady. Aǵylshyn sotynyń aldyn ala sheshiminen keıin alaıaqtyqtyń dálelderin qaraý boıynsha odan ári sot protsesin boldyrmaý úshin Statı Ulybrıtanııada sot isin júrgizýden bas tartty.

2021 jyldyń qazan aıynda Belgııa apellıatsııalyq soty barlyq dáleldeme negizinde,

sonyń ishinde KPMG korrespondentsııasy nazarǵa ala otyryp, Statıdiń alaıaqtyq áreketterin muqııat zertteıdi.

Sondaı-aq, 2020 jylǵy jeltoqsanda Nıderlandynyń Joǵarǵy Soty «Samuryq-Qazyna» UÁQ» AQ tıesili KMG Kashagan B. V. aktsııalaryna tyıym salýǵa baılanysty Statımen alynǵan qamtamasyz etý sharalaryna qatysty aldyn ala sheshim shyǵarady dep kútilýde. Bul sheshim aldyn ala sıpatqa ıe, al negizgi máseleler Amsterdam aýdandyq sotynyń úsh sýdıasynyń alqasynda qarastyrylýda.


Basty sózder: QR Ádilet mınıstrligi,
Joǵary qaraı