Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Baıqońyr ǵarysh aılaǵynan reseılik «Arktıka M» spýtnıgi ushyryldy

2021 jyldyń 28 aqpan 2021 14:55

BAIQOŃYR. QazAqparat – 28 aqpan kúni Nur-Sultan ýaqytymen saǵat 12:55-te Baıqońyr ǵarysh aılaǵynyń №31 alańynan «Fregat» údemeli blogy bar Soıýz-2. 1b» zymyran-tasyǵyshy ushyryldy. Bul apparattar reseılik «Artktıka-M» gıdrometeorologııalyq spýtnıgin orbıtaǵa shyǵarady, dep habarlaıdy «QazAqparat» HAA tilshisi.

Buǵan deıin habarlanǵandaı, Baıqońyr ǵarysh aılaǵynan tikeleı kórsetilimdi vedomstvonyń saıty men áleýmettik jelilerde Roskosmos telestýdııasy júrgizdi.

Ushyrý shtattyq rejımde ótti. Tikeleı reportaj júrgizýshileriniń málimetinshe, «Soıýz 2.1b» zymyran-tasyǵyshynyń barlyq úsh satynysyń josparly túrde bólinýi júrgizildi. Starttyń 10-ynshy mınýtynda «Fregat» údemeli blogy bar «Arktıka-M» ǵarysh apparaty tirek orbıtaǵa shyǵaryldy. Berilgen orbıtaǵa odan ári shyǵarý údemeli bloktyń qosylýy esebinen júrgiziledi. Bul ushyrýdan keıin shamamen 3,5 saǵat ótken soń bolady.

Tikeleı efır qatysýshylary – óndirýshi ókilderi – Lavochkın atyndaǵy ǵylymı-óndiristik birlestiginiń ókilderi, Roskosmostyń basqa mamandary ǵarysh apparatynyń erekshelikteri týraly baıandap berdi.

Jańa meteorologııalyq ǵarysh apparatynyń ereksheligi onyń joǵary elleptıkalyq orbıtada jumys isteýi arqyly geostatsıonarlyq spýtnıktermen salystyrǵanda ushý dınamıkasyn, qozǵalys jyldamdyǵyn qamtamasyz etýinde. «Arktıka-M» Reseı elindegi 3,5 myń meteostansa jáne jetýge joly qıyn aýdandarda ornalasqan týra sondaı gıdropostty jedel, aýa raıyn talǵamaıtyn aqparatmen qamtamasyz etedi. «Bul sheteldik meteorologııalyq derekkózderge táýeldi bolmaýǵa múmkindik beredi», - dep atap ótti reseılik mamandar.






Basty sózder: Ǵarysh, BAQ, Ǵylym,
Joǵary qaraı