Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Baýyrjan Momyshulynyń Reseıdegi qupııa qujattary onyń nemere inisine tabystaldy

2022 jyldyń 11 mamyr 2022 11:48

TARAZ. QazAqparat – Jaqynda Reseı Federatsııasynyń Qazaqstandaǵy Tótenshe jáne Ókiletti Elshisi Alekseı Borodavkın Reseı Memlekettik saıası-áleýmettik tarıh arhıvinde «qupııa» belgisimen saqtalǵan Halyq qaharmany Baýyrjan Momyshulyna qatysty keıbir qujattardy onyń nemere inisi Beket Momynqulǵa tapsyrdy, dep habarlaıdy QazAqparat tilshisi.

Arhıvtik qujattardy tapsyrý rásimi Qazaqstan Qarýly Kúshteriniń memlekettik áskerı-tarıhı murajaıynda ótti. Olardyń ishinde B.Momyshulynyń partııa bıleti men bolshevıkterdiń Búkilodaqtyq kommýnıstik partııasy múshesiniń esep kartochkasy, 1942 jyly jazylǵan BBKP múshesiniń tirkeý blankisi, fotosýretteri jáne ózge de qujattary bar.

Alekseı Borodavkın óz sózinde bıyl eki eldiń dıplomatııalyq qarym-qatynasyna 30 jyl tolǵanyn aıryqsha atap ótti.

«Biz – odaqtaspyz jáne dospyz. Qazaqstandyq dostarymyzǵa berilgen búgingi muraǵattyq qujattar osy qarym-qatynastyń dáleli», – dedi elshi.




Endigi kezekte Reseı tarapy Máskeý jáne Podolsk qalasyndaǵy 11 myńnan astam áskerı qujattar saqtalǵan muraǵattarmen jumys isteýge múmkindik berýge daıyn. «Óte qupııa» degen belgisi bar qujattar Halyq batyry Baýyrjan Momyshulynyń ómirbaıanyndaǵy aıtylmaı qalǵan tarıhı derekterdi ǵana emes, Ekinshi dúnıejúzilik soǵys basynda Máskeý úshin bolǵan urysta erlikpen shaıqasqan áıgili Panfılov dıvızııasynyń tarıhı erligin toltyrýǵa kómektesedi.

Osyǵan oraı, jýyrda batyrdyń týysyn Jambyl oblysynyń ákimi Nurjan Nurjigitov arnaıy qabyldap, eńbegine jemis tilep, jergilikti bılik qajetti qoldaý kórsetýge daıyn ekenin jetkizgen.


Joǵary qaraı