Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Batys Qazaqstanǵa 3 myń doza «Spýtnık Lite» vaktsınasy jetkizildi

2022 jyldyń 28 qańtar 2022 14:59

ORAL. QazAqparat – Batys Qazaqstan oblysyna 3 myń doza «Spýtnık Lite» vaktsınasy jetkizildi, dep habarlaıdy QazAqparat tilshisi.

BQO densaýlyq saqtaý basqarmasy basshysynyń orynbasary Ashat Balyqovtyń aıtýynsha, atalǵan vaktsınamen qazirdiń ózinde 200 adam egilip, revaktsınatsııadan ótip úlgerdi.

Onyń sózine qaraǵanda, osy kezge deıin 265 637 adam vaktsınanyń birinshi komponentin saldyrdy. Bul – jalpy jospardyń 64,1 paıyzy. Sonyń ishinde 190 116-sy «Spýtnık V», 20 545-i «QazVac», 25 010-y «Hayat-Vax», 7 729-y «Corona-Vac», 22 237-si «Vero Cell» vaktsınasyn tańdady.

Sondaı-aq 248 727 adam ekinshi komponentti qabyldady.

Oblys boıynsha 40 453 turǵyn revaktsınatsııadan ótti. 8 385 adam Pfizer kompanııasynyń vaktsınasyn saldyrsa, sonyń 4 330-y – jasóspirimder, 294-i – júkti, 3 761-i – bala emizetin áıelder.

Sonymen qatar 1 440 adam Pfizer ekpesimen revaktsınatsııadan ótse, sonyń 604-i – medıtsına qyzmetkerleri, 836-sy – 60 jastan asqandar.

«Kópjyldyq tájirıbe aýrýshańdyq pen ólim-jitim deńgeıin tómendetýdiń qaýipsiz ári tıimdi tásili vaktsınatsııa ekendigin kórsetip otyr. Sondyqtan pandemııany jeńý úshin turǵyndar

vaktsına alyp, uıymshyldyq kórsete bilgeni jón», dedi A.Balyqov.

Eske sala keteıik, budan buryn BQO-da 431 oqýshy, 178 muǵalimnen koronavırýs anyqtalǵanyn, ınfektsııalyq statsıonarlar sany 13-ke jetkenin jazǵan bolatynbyz.



Joǵary qaraı