Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Batys Qazaqstanda tok soqqan eki bala aýrýhanaǵa tústi

2022 jyldyń 25 mamyr 2022 10:53

ORAL. QazAqparat - Batys Qazaqstan oblysynda tok soqqan eki bala aýrýhanaǵa tústi, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, birinshi oqıǵa 24 mamyr kúni saǵat 13.55-te Jańaqala aýdany Jańaqazan aýylynda bolǵan.

Tórt bala oınap júrip, podstantsııanyń qorshalǵan jabyq aýmaǵyna kirgen. Sol kezde bes jasar ul balany tok soqqan. Aýdandyq aýrýhanaǵa jatqyzylǵan onyń jaǵdaıy aýyr.

Ekinshi oqıǵa 24 mamyr kúni saǵat 11.00-de Kaztalov aýdany Bostandyq aýyldyq okrýgi Aqsýat qystaǵynda boldy.

Ata-anasynyń qaraýynsyz qalǵan alty jasar ul bala transformatorǵa (380 Vt) qolyn tıgizgen.

Sonyń saldarynan 2-3 dárejeli kúıik jaraqatyn alyp, aýdandyq aýrýhanaǵa jatqyzyldy. Jaǵdaıy ortasha.

BQO densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, Jańaqazan aýylynda tok soqqan balanyń eki qoly kúıgen.

Jaǵdaıy óte aýyr. Qaladan keshe sanavıatsııa bardy. Balanyń eki qolyn kesýge týra keldi. Qazirgi kezde ol oblystyq kópbeıindi balalar aýrýhanasynda jatyr.

Eske sala keteıik, budan buryn Oralda 11 jasar balany qaǵyp ketken avtokóliktiń izdestirilip jatqanyn jazǵan bolatynbyz.


Avtor Eljan Eraly
Basty sózder: Batys Qazaqstan oblysy, Bala, Oqıǵa,
Joǵary qaraı