Aýa raıy
Astana 15 °S
Almaty 19 °S
valıýta baǵamy
USD 412.55
EUR 468.66
RUB 5.79
CNY 58.80

Batys Qazaqstanda taǵy úsh adam sýǵa ketti

2020 jyldyń 12 shilde 2020 20:53

ORAL. QazAqparat – Batys Qazaqstan oblysynda taǵy úsh adam sýǵa ketti, dep habarlaıdy QazAqparat tilshisi.

BQO Tótenshe jaǵdaılar departamentiniń baspasóz qyzmetinen málim etkenindeı, 11 shilde kúni Oral qalasynda 60 jastaǵy er adam Jaıyq ózenine belgisiz jaǵdaıda batyp ketti.

Marqumnyń denesin 1-saıajaı seriktestigi mańynda qutqarýshylar (3 qyzmetker, 1 júzý quraly, 1 tehnıka) saǵat 22.38-de shyǵardy.

Taǵy bir qaıǵyly oqıǵa Aqjaıyq aýdany Bazarsholan aýyldyq okrýgi Eskiesim eldi mekeni mańynda boldy. 12 shilde kúni saǵat 08.25-te qutqarýshylar (4 qyzmetker, 1 júzý quraly, 1 tehnıka) Jaıyq ózeninen 19 jastaǵy jigittiń denesin alyp shyqty. Ol 11 shilde kúni jabdyqtalmaǵan jerden saǵat 18.00-de batyp ketken.

12 shilde kúni saǵat 10.07-de Oralda «Komarovo» saıajaı seriktestigi mańynda qutqarýshylar (5 qyzmetker, 1 júzý quraly, 1 tehnıka) 18 jastaǵy jigittiń denesin Jaıyqtan shyǵardy. Ol 10 shilde kúni saǵat 16.36-da jabdyqtalmaǵan jerde shomylý kezinde sýdan shyqpaı qalǵan.

Eske sala keteıik, budan buryn Batys Qazaqstanda sýǵa ketkenderdiń teń jartysynan astamy balalar ekendigin jazǵan bolatynbyz.


Joǵary qaraı