Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda sońǵy aptada koronavırýs juqtyrǵandar sany 10,2 paıyzǵa tómendedi

2021 jyldyń 18 qazan 2021 14:56

ORAL. QazAqparat – Batys Qazaqstan oblysynda sońǵy aptada koronavırýs juqtyrǵandar sany 10,2 paıyzǵa tómendedi, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, aldyńǵy aptada (4-10 qazan) 372 adamnan indet tabylsa, 11-17 qazan aralyǵynda 334 naýqas tirkeldi.

Departament málimetine qaraǵanda, sary aımaqta turǵan óńirde 1 qazannan beri 902 adamnan koronavırýs anyqtaldy.

Sonyń 57 paıyzy (512) JRVI belgilerimen tekserilse, 28 paıyzy (249) úı oshaǵynda aýrý juqtyrǵan. 15 paıyzy (131) profılaktıkalyq maqsatta, 1 paıyzy (10) statsıonarǵa jatqyzar aldynda synama tapsyrǵan.

KVI 41-60 jas aralyǵyndaǵylar arasynda kóbirek (248) kezdesip otyr.

Sońǵy tórt kúnde tirkelgen 201 naýqastyń 128-inde aýrý belgileri bolsa, 73-i – sımptomy joqtar.

Pandemııa bastalǵannan beri oblysta 38 374 adamnyń 31 026-sy jazylyp shyqty. 795-i kóz jumdy.

Solardyń ishinde 19 200-i Oral qalasy, 5146-sy Báıterek, 4658-i Bórli, 1755-i Terekti, 1399-y Aqjaıyq, 1192-si Shyńǵyrlaý, 1100-i Kaztalov, 1071-i Tasqala aýdanynyń úlesine tıedi.

Eske sala keteıik, budan buryn Batys Qazaqstanda 25 naýqastyń jansaqtaý bóliminde jatqanyn, 33 myńnan astam adamnyń tumaýǵa qarsy egilgenin jazǵan edik.





Joǵary qaraı