Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda mas kúıinde sýǵa túsken eki adam batyp ketti

2021 jyldyń 14 maýsym 2021 10:34

ORAL. QazAqparat – Batys Qazaqstan oblysynda mas kúıinde sýǵa túsken eki adam batyp ketti, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, birinshi oqıǵa 13 maýsym kúni keshkisin Báıterek aýdany Trekın aýyldyq okrýgi Jaıyq eldi mekeninde boldy.

«Saıa» demalys ornynda 33 jastaǵy áıel sýǵa túsip, batyp ketken.

Kýálardyń sózine qaraǵanda, otbasymen, dostarymen serýendegen ol mas kúıinde bolǵan. Áıeldiń denesi qutqarýshylar kelgenshe, saǵat 19.45-te sýdan shyǵarylǵan.

Taǵy bir oqıǵa Oral qalasynda boldy. 14 maýsym kúni saǵat 00.07-de 28 jastaǵy jigit shomylýǵa jabdyqtalmaǵan jerden sýǵa túsip, batyp ketken. Ol da tanystarymen birge araq ishken.

Marqumnyń denesin jedel qutqarý jasaǵynyń izdeý toby saǵat 02.25-te sýdan alyp shyqty.

Osymen Batys Qazaqstanda bıyl 12 adam sýǵa ketse, sonyń úsheýi – balalar.

BQO TJ departamenti sýda qaýipsizdik erejesin umytpaý kerektigin turǵyndar esine salady.

Eske sala keteıik, budan buryn Oralda ózenge qulap ketken eki balanyń qutqarylǵanyn jazǵan bolatynbyz.




Basty sózder: Batys Qazaqstan oblysy, Oqıǵa,
Joǵary qaraı