Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda koronavırýs juqtyrǵan 430 adam statsıonarda emdelip jatyr

2021 jyldyń 18 maýsym 2021 17:46

ORAL. QazAqparat – Batys Qazaqstan oblysynda koronavırýs juqtyrǵan 430 adam ınfektsııalyq statsıonarlarda emdelýde, dep habarlaıdy QazAqparat tilshisi.

BQO densaýlyq saqtaý basqarmasy basshysynyń mindetin atqarýshy Arman Qalıbekovtiń aıtýynsha, sonyń ishinde 28-i jansaqtaý bóliminde jatyr.

Jansaqtaý bóliminde jatqandardyń 18-i nemese 64,2 paıyzy – 60 jastan asqandar. 14 naýqastyń 11-i júrek-qan tamyrlary aýrýlary, úsheýi qant dıabetine shaldyqqan.

«Jasy alpystan asqandar qaýipti topqa jatqyzylady. Egde jastaǵylar ınfektsııalyq aýrýhanalarǵa jıi túsedi ári sozylmaly dertteri bolǵandyqtan, olardy emdeý qıyn. Sondyqtan qarııalardyń asa bir qajettilik bolmasa, úıden shyqpaǵany, adamdar kóp jınalatyn jerlerge barmaǵany jón», - deıdi Arman Talǵatuly.

Onyń sózine qaraǵanda, pandemııa bastalǵannan beri oblysta 359, sonyń ishinde 2020 jyly 169, bıyl 190 adam kóz jumdy. Koronavırýstan qaıtqandar sany, ásirese, sońǵy aılarda kóbeıip ketip otyr. Qańtarda 28, aqpanda 15 adam ómirden ótse, naýryzda 30, sáýirde 42, mamyrda 56, maýsymda jarty aıda 19 naýqas qaıtys boldy. Bulardyń 100-i áıelder bolsa, 90-y – er adamdar. Qaıtqan naýqastardyń 91 paıyzynda (172) sozylmaly dertteri bolǵan.

Eske sala keteıik, budan buryn Batys Qazaqstanǵa 62 myńnan astam doza reseılik vaktsına jetkizilgenin, óńirde maýsym aıynda 1300-den astam adamnyń koronavırýs juqtyrǵanyn jazǵan bolatynbyz.


Joǵary qaraı