Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Batys Qazaqstanda qasqyrdyń malǵa shabýy jıilep ketti

2022 jyldyń 26 mamyr 2022 11:21

ORAL. QazAqparat – Batys Qazaqstan oblysynda qasqyrdyń malǵa shabýy jıilep ketti, dep habarlaıdy QazAqparat tilshisi.

Oblys ortalyǵynan eń shalǵaıda ornalasqan Bókeı ordasy aýdanynda qasqyr mal baqqan sharýalar úshin bas aýyrtar máselege aınaldy.

Han ordasy aýyldyq okrýgindegi «Bereke» sharýa qojalyǵynyń basshysy Erkin Jabasovtyń aıtýynsha, sońǵy eki-úsh jylda qasqyr aýlanǵan joq. Sonyń saldarynan olardyń sany kóbeıip otyr.

«Qazirgi tańda malshylarda myltyq joq. Kún saıyn bir bas maldy «jamanaýyz» áketip jatyr. Jyl saıyn qulynnyń elý paıyzy ıt-qusqa jem bolady. Buryn qysta qarshanamen aýlaıtyn edi, ol da tyıyldy. Eńbegin tólep, túz taǵysyn aýlatatyn qasqyrshy da joq qazir. Jıyndarda osy máseleni aıtýdaı-aq aıtyp júrmiz, biraq nátıje joq», dedi E.Jabasov.

Uıaly aýyldyq okrýginiń ákimi Erlan Ermekqalıevtiń sózine qaraǵanda, sońǵy on-on bes kúnde qasqyrdyń malǵa aýyz salýy jıiledi.

Okrýgte 62 sharýa qojalyǵy bolsa, solardan kúnine 4-5 bas buzaýdy jep ketip jatyr degen habar túsedi.

«Bir ańshyǵa úsh qasqyr aýlaýǵa bolady degen lımıt bar, bizdińshe, sonyń sanyn kóbeıtý kerek», dedi aýyl ákimi.

BQO orman sharýashylyǵy jáne janýarlar dúnıesi aýmaqtyq ınspektsııasynyń bas mamany Arman Іzimǵalıevtiń málim etkenindeı, bir jylǵa 196 bas qasqyrdy aýlaýǵa lımıt belgilengen. Kúni búginge deıin Egov portaly arqyly 186 bas bórini atýǵa ruqsat berildi. Endi bıyl 10 bas qasqyrdy ǵana atýǵa ruqsat qaldy.

«Ańshylarda arnaıy kýáligi, tirkelgen myltyǵy bolýy kerek. Ár ańshyǵa 3 qasqyrdy atýǵa ruqsat beriledi. Eger túz taǵysynyń sany kóbeıse, lımıt sany kelesi jyly artady», dedi A.Іzimǵalıev.

Eske sala keteıik, budan buryn Batys Qazaqstanda tórt adamǵa qasqyr shapqanyn jazǵan bolatynbyz.


Joǵary qaraı