Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Batys Qazaqstanda karantın talabyn buzǵandarǵa 35 mln astam teńge aıyppul salyndy

2021 jyldyń 22 jeltoqsan 2021 11:29

ORAL. QazAqparat – Batys Qazaqstan oblysynda jyl basynan beri karantın talabyn buzǵandarǵa qatysty 583 hattama toltyrylyp, 35 mln astam teńge aıyppul salyndy, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, sońǵy aptada (15-21 jeltoqsan) shekteý sharalaryn buzǵan 8 nysan anyqtalyp, 87 510 teńgege 2 hattama toltyryldy.

Oblysta 167 monıtorıngtik top jumys isteýde.

Óńirde 4230 kásipkerlik nysany «Ashyq» baǵdarlamasyna qosylǵan. Bul mobıldik qosymshaǵa sáıkes úılerinde oqshaýlanýy tıis 1997 adam anyqtaldy. Bulardyń 1223-i –«qyzyl», 774-i – «sary» mártebesi bar adamdar.

Basqarmadan túsken málimetke qaraǵanda, kúni búgin 579 tósektik 10 ınfektsııalyq statsıonarda 64 naýqas emdelýde.

Olardyń bári de Oral qalasyndaǵy aýrýhanalarda jatyr.

Sonyń 11-i jansaqtaý bólimshesinde, jaǵdaılary aýyr.

Eske sala keteıik, budan buryn Batys Qazaqstanda 253 myńnan astam adamnyń koronavırýsqa qarsy vaktsına saldyrǵanyn jazǵan bolatynbyz.



Joǵary qaraı