Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Batys Qazaqstanda eki kólik soqtyǵysyp, 5 adam aýrýhanaǵa jetkizildi

2022 jyldyń 15 qańtar 2022 00:43

ORAL. QazAqparat – Batys Qazaqstan oblysynda eki kólik soqtyǵysyp, bes adam aýrýhanaǵa jetkizildi, dep habarlaıdy QazAqparat tilshisi.

Oqıǵa 14 qańtar kúni shamamen saǵat 08.00-de Oral-Atyraý joly boıynda Aqjaıyq aýdany Býdarın aýyly mańynda boldy.

«Lada Prıora» men júk kóligi soqtyǵysty.

BQO densaýlyq saqtaý basqarmasynyń baspasóz qyzmeti málim etkenindeı, jedel járdem saǵat 08.23-te shaqyrylyp, brıgada jeti mınýttan keıin jetti. J ol apaty saldarynan zardap shekken bes adam Aqjaıyq aýdandyq aýrýhanasyna jetkizildi.

Aldyn ala málimet boıynsha jabyq bas-mı jaraqatyn alyp, mıy shaıqalǵan 1981 jylǵy áıel men 2014 jylǵy bala aýrýhanaǵa jatqyzyldy.

Eki adam ambýlatorlyq emdeýge jiberildi. Jabyq bas-mı jaraqatyna qosa mıy zaqymdanǵan 1999 jylǵy jigit oblystyq kópbeıindi aýrýhanaǵa jetkizildi.

Qazirgi kezde oqıǵanyń jaı-japsary anyqtalý ústinde.

Eske sala keteıik, budan buryn Batys Qazaqstanda jol apatynan bes adamnyń qaza tapqanyn jazǵan bolatynbyz.

Sondaı-aq Batys Qazaqstanda boranǵa baılanysty Saratov baǵytyndaǵy jol jabyldy. Keıin aýa raıynyń jaqsarýyna baılanysty bul jol ashyldy.





Avtor Eljan Eraly
Basty sózder: Oqıǵa, Kólik, Batys Qazaqstan oblysy,
Joǵary qaraı