Batys Qazaqstanda boranǵa baılanysty respýblıkalyq jol jabyldy
ORAL. QazAqparat – Batys Qazaqstan oblysynda boranǵa baılanysty respýblıkalyq jol jabyldy, dep habarlaıdy QazAqparat tilshisi.
«QazAvtoJol» UK» AQ BQO fılıalynyń málimeti boıynsha jergilikti saǵat 13.00-den bastap aýa raıynyń nasharlaýyna oraı respýblıkalyq mańyzy bar Oral-Tasqala-RF shekarasy (31-104 km, Peremetnyı aýylynan Reseı shekarasyna deıin) jolynda barlyq kólik túrleri úshin qozǵalys shekteldi.
Jabylý sebebi – qatty boran.
Osyǵan baılanysty BQO TJ departamenti eskertý jarııalanyp, tótenshe oqıǵalardyń aldyn alý baǵytynda tıisti sharalar alynyp jatqandyǵyn jetkizdi.
Eske sala keteıik, budan buryn bes oblysta aýa raıyna baılanysty eskertý jarııalanǵanyn jazǵan bolatynbyz.
