Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Batys Qazaqstanda birqatar azyq-túlik taýarlarynyń baǵasy ósti

2022 jyldyń 25 mamyr 2022 14:48

ORAL. QazAqparat – Batys Qazaqstan oblysynda birqatar azyq-túlik taýarlarynyń baǵasy ósti, dep habarlaıdy QazAqparat tilshisi.

BQO kásipkerlik jáne ındýstrıaldyq-ınnovatsııalyq damý basqarmasynyń basshysy Jumageldi Batyrnııazov óńirlik kommýnıkatsııalar qyzmeti alańynda ótken brıfıngide málim etkendeı, jyl basynan beri kókónis jáne bakaleıa ónimderiniń baǵasy artqan.

Onyń aıtýynsha, áleýmettik mańyzy bar taýarlar baǵasy ósýiniń negizgi sebepteri basqa elderden ákelinetin negizgi shıkizat kóziniń, jem-shóp, tyńaıtqyshtyń qymbattaýyna baılanysty. Taýarlar logıstıkasy baǵasy da ósti.

Kókónis ónimderine baǵanyń ósýi maýsymdyq sıpatqa baılanysty.

«Sondaı-aq álemdegi geosaıası jaǵdaı aıtarlyqtaı áser etti, oblystyń geografııalyq ornalasýyna baılanysty ónimniń edáýir bóligi Reseı Federatsııasynyń shekaralas aımaqtarynan ákelinedi jáne rýbl baǵamynyń ósýi de yqpalyn tıgizdi», dedi J.Batyrnııazov.

Basqarma basshysynyń sózine qaraǵanda, óńirde azyq-túlik baǵasyn turaqtandyrý boıynsha jumystar júrgizilýde.

Mysaly, oblys halqyn qantpen qamtý maqsatynda tómen baǵamen 204 tonna qant jetkizilip, satyldy.

«Azyq-túlik kelisimshart korporatsııasy» UK» AQ-ǵa halyqtyń qajeti úshin qosymsha 1 800 tonna kóleminde qant bólý týraly hat joldandy.

«Sáýir aıynda kılosyna 450 teńge baǵamen 476 tonna qantty mamyr aıynda jetkizý úshin jeke kásipkerlerge aldyn ala tólem jasaldy. Onyń 30 paıyzy (142,8 tonna) óndirýshiler arasynda bólinetin bolady. Otandyq qant óndirýshilermen tikeleı kelissóz júrgizilýde. Qant óndirýshilerdiń aqparatyna qaraǵanda, olar kúni búgin shıkizatpen qamtamasyz etilgen jáne aptasyna 140 tonna qantty óńirge úzdiksiz jiberýdi josparlap otyr. Іri saýda ortalyqtarynda qant tapshylyǵy men alypsatarlyqqa jol bermeý úshin onyń mólsherin shektep satý uıymdastyryldy. Baǵanyń negizsiz ósýine jol bermeý jáne turaqtandyrý maqsatynda monıtorıng júrgizilip, basqa da jumystar atqarylýda», dedi J.Batyrnııazov.

Eske sala keteıik, budan buryn Batys Qazaqstanda saýda oryndarynda qanttyń jetkilikti qory bar ekenin jazǵan bolatynbyz.


Joǵary qaraı