Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda bir aıda 100-ge jýyq bala koronavırýs juqtyrǵan

2021 jyldyń 27 qańtar 2021 19:20

ORAL. QazAqparat – Batys Qazaqstan oblysynda qańtar aıynda 99 bala koronavırýs juqtyrǵan, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkenindeı, qyrkúıek aıynan beri barlyǵy 304 baladan indet tabyldy.

Sonyń ishinde qarashada – 102, jeltoqsanda 78 bala syrqattanǵan bolatyn.

«Qyzyl» aımaqqa kirgen óńirde sońǵy táýlikte 95, bir aptada 555 adamnyń koronavırýs juqtyrǵany tirkeldi.

Іndet bastalǵannan beri 10585 adam aýyrsa, sonyń 8907-si jazylyp shyqty. 197 adam ómirden ozdy.

Qazirgi tańda ınvazıvti emes jasandy tynys alý apparatyna 7, ottegi kontsentratoryna 15, ortalyqtandyrylǵan ottegi kózine 57 adam qosylǵan.

Oblystaǵy 7 juqpaly aýrýlar aýrýhanasynda 291, 4 karantındik statsıonarda 36 adam emdelýde. 23 adam jansaqtaý bóliminde jatyr.

Eske sala keteıik, budan buryn BQO-da koronavırýs juqtyrý deńgeıiniń ótken jyldyń sharyqtaý shegine jaqyndaǵanyn jazǵan bolatynbyz.




Joǵary qaraı