Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda 40 myńnan astam adam tumaýǵa qarsy ekpe saldyrdy

2021 jyldyń 22 qazan 2021 14:48

ORAL. QazAqparat - Batys Qazaqstan oblysynda 40 244 adam tumaýǵa qarsy ekpe saldyrdy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń málim etkenindeı, sonyń teń jartysynan astamy, ıaǵnı 21 590-y - sozylmaly syrqaty bar adamdar.

Egilgenderdiń 34 584-i eresek adamdar bolsa, 5660-y - 14 jasqa deıingi balalar.

Sonyń ishinde 5320 medıtsına qyzmetkeri, 856 júkti áıel bar. Sondaı-aq 1020-sy - 15 jastan asqan oqýshylar. Jabyq mekemelerde (bóbekter úıi, balalar úıi, mektep-ınternat, múgedek balalarǵa arnalǵan ınternat) 72, múgedekter men qarttar úıinde 1262 adam egildi.

«Vaktsınatsııa - tumaýdyń aldyn alýdyń eń tıimdi ádisi. Sondyqtan jyl saıyn oblysta turǵyndardyń 10 paıyzdan astamy tumaýǵa qarsy ekpe alady. Josparly egý jumystary jalǵasýda», - dedi N.Mustaev.

Eske sala keteıik, budan buryn BQO-da 230-ǵa jýyq oqýshydan koronavırýs anyqtalǵanyn, bir aptada jedel járdemge 6 myńǵa jýyq qońyraý shalynǵanyn jazǵan bolatynbyz.



Joǵary qaraı