Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda 40 mln teńgeni jymqyrǵan «Qazposhta» qyzmetkerleri ustaldy

2021 jyldyń 4 jeltoqsan 2021 09:07

ORAL. QazAqparat - Batys Qazaqstan oblysynda 40 mln teńgeni jymqyrǵan «Qazposhta» AQ BQO fılıaly poshta bólimsheleriniń birinde jumys jasaıtyn eki áıel ustaldy, dep habarlaıdy QazAqparat tilshisi.

BQO boıynsha ekonomıkalyq tergeý departamenti málim etkenindeı, qazirgi kezde QR QK 189-babyna sáıkes tergeý amaldary júrgizilýde.

Atalǵan eki qyzmetker JShS ókiliniń osy seriktestik esepshotyna aýdarý úshin tapsyrǵan qarajatynyń bir bóligin jymqyrǵan. Keltirilgen zalal kólemi 33 mln teńgeden asty.

Sonymen qatar atalǵan ekeý aldaý jáne senimge kirý jolymen zeınetkerlerge tıesili 7 mln astam teńgeni qoldy qylǵan.

Osy qylmystarǵa kúdikti retinde qolǵa túsken eki áıel ýaqytsha ustaý ızolıatoryna qamaldy.

QR Qylmystyq is júrgizý kodeksiniń 128-babyna sáıkes basqa aqparat jarııalaýǵa jatpaıdy.

Eske sala keteıik, budan buryn BQO-da qarjy pıramıdasyn quryp, salymshylardan 76 mln teńge túsirgen áıel ustalǵanyn jazǵan bolatynbyz.



Joǵary qaraı