Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda 31,7 mlrd teńgege jol jóndeý jumystary júrgizilýde

2021 jyldyń 30 qarasha 2021 14:58

ORAL. QazAqparat – Batys Qazaqstan oblysynda bıyl 31,7 mlrd teńgege 78 km respýblıkalyq, 175 km jergilikti mańyzy bar jáne eldi mekender kóshelerin (71 km) jóndeý jumystaryn bitirý kózdelýde, dep habarlaıdy QazAqparat tilshisi.

BQO jolaýshylar kóligi jáne avtomobılder joldary basqarmasy basshysynyń orynbasary Aıdar Meńeevtiń óńirlik kommýnıkatsııalar qyzmeti alańynda ótken brıfıngide málim etkenindeı, qazirgi tańda osy jumystardyń 80 paıyzy (300 km) oryndalyp otyr.

Sondaı-aq respýblıkalyq Atyraý-Oral avtojolyn qaıta qurý jobasy ázirlenýde. Oǵan qosa respýblıkalyq mańyzy bar Podstepnyı-Fedorov-RF shekarasy (0-144 km) avtojolyn qaıta qurý jobasyn qarjylandyrý máselesi pysyqtalýda.

A.Meńeevtiń sózine qaraǵanda, Elbasy tapsyrmasyn oryndaý maqsatynda respýblıkalyq mańyzy bar, jalpy uzyndyǵy 245 km Kaztalov-Jánibek-RF shekarasy, Ónege-Bısen-Saıqyn joldaryn jóndeý jalǵasýda. 2021 jylǵa josparlanǵan 58 shaqyrymnyń 42 shaqyrymy jóndeldi.

«Búginde óńirdegi joldardyń jalpy uzyndyǵy 6 496,7 km bolsa, sonyń 1414 kılometri – respýblıkalyq, 5082,7 kılometri – jergilikti joldar. Al elimiz táýelsizdik alǵan 1991 jyly bul kórsetkish 5 myń kılometrden sál asatyn. Táýelsizdik jyldarynda shamamen 1200 km avtomobıl joldary salynyp, qaıta jańǵyrtýdan ótti», dedi A.Meńeev.

Eske sala keteıik, budan buryn Batys Qazaqstanda 464 mlrd teńgege segiz jańa joba iske qosylǵanyn jazǵan bolatynbyz.




Avtor Eljan Eraly
Basty sózder: Qurylys, Jol, Batys Qazaqstan oblysy,
Joǵary qaraı