Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda 25 naýqas jansaqtaý bóliminde jatyr

2021 jyldyń 15 qazan 2021 14:20

ORAL. QazAqparat – Batys Qazaqstan oblysynda 25 naýqas jansaqtaý bóliminde jatyr, dep habarlaıdy QazAqparat tilshisi.

BQO densaýlyq saqtaý basqarmasynyń basshysy mindetin atqarýshy Arman Qalıbekovtiń óńirlik kommýnıkatsııalar qyzmeti alańynda ótken brıfıngide málim etkenindeı, qazirgi kezde jansaqtaý bólimshelerinde barlyǵy 88 tósek-oryn bar.

Onyń aıtýynsha, 25 naýqastyń 24-i aýyr, bireýi asa aýyr halde. Invazıvti jasandy tynys alý apparatyna 1, ınvazıvti emes osyndaı qurylǵyǵa 10 patsıent qosylǵan. Olardyń 14-i júrek-qan tamyrlary aýrýlary, 8-i qant dıabetine shaldyqqan.

Oblystyq jedel járdem stansasyna sońǵy aptada 5 950 qońyraý shalynsa, sonyń 773-i (12,9 paıyzy) KVI-men baılanysty bolyp, 122 naýqas statsıonarǵa jatqyzyldy. Ótken táýlikte jedel járdem shaqyrtqan 912 adamnyń 103-i kovıd boıynsha qaralyp, 23 naýqas aýrýhanaǵa tústi.

Kúni búgin 821 adam ambýlatorlyq em alýda.

A.Qalıbekovtiń sózine qaraǵanda, aýrý juqtyrý kórsetkishiniń tómendeýine baılanysty 128 ınfektsııalyq jáne 100 karantındik tósek-oryndar jabyldy. Atap aıtqanda, Shyńǵyrlaýda 30, Terekti aýdandyq aýrýhanasynda 8, «Kýmyskada» 90 ınfektsııalyq, «Ivýshkada» 100 karantındik tósek-oryn qysqartyldy. Qazirgi kezde oblys boıynsha 931 tósektik 16 ınfektsııalyq statsıonar jumys jasap jatyr. Bularda 272 naýqas (tolymdylyǵy – 29,2 paıyz) emdelýde.

Pandemııa bastalǵannan beri óńirde koronavırýs juqtyrǵan 38 230 adamnyń 30 705-i nemese 80,3 paıyzy jazylyp shyqty. Solardyń 14 328-i statsıonarlyq, 16 377-si ambýlatorlyq em aldy. Іndet tirkelgennen beri barlyǵy 791, sonyń ishinde bıyl 622 adam ómirden ozdy.

Basqarma basshysy oblysta «Spýtnık V», «QazVac», «Vero Cell» vaktsınalary jetkilikti kólemde bar ekendigin aıtty. 15 qazanǵa deıin 228 888 adam vaktsınanyń birinshi, sonyń ishinde 206 850-i ekinshi komponentimen egildi.

«Sońǵy eki aptada koronavırýs kórsetkishi 18,4 paıyzǵa kemigenimen, naýqastarda, ásirese, qaýipti toptaǵylarda ókpe tez zaqymdanyp, aýrý aýyr túrde ótýde. Qaýipti topqa júrek-qan tamyrlary aýrýlary, qant dıabetimen syrqattanatyndar jáne artyq dene salmaǵy barlar jatady. Sondyqtan ekpe alýdyń adamnyń ózin jáne jaqyndaryn kovıdten qorǵaýdyń eń senimdi tásili ekendigin taǵy da eske salamyz. Vaktsına alǵannan keıin syrqattanyp qalǵannyń ózinde aýrý jeńil ótedi, emdeýge de ońtaıly», dedi A.Qalıbekov.

Eske sala keteıik, budan buryn BQO-da on mektepte 12 synyptyń karantınge jabylǵanyn, úıinde oqshaýlaný talabyn buzǵandar 6 mln teńge aıyppul tólegenin jazǵan bolatynbyz.

Sondaı-aq BQO-da shekarada sanıtarlyq qadaǵalaý sharalary kúsheıtildi.





Joǵary qaraı