Aýa raıy
Astana -3 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda 134 monıtorıng toby jumys istep jatyr

2020 jyldyń 25 qyrkúıek 2020 15:01

ORAL. QazAqparat – Batys Qazaqstan oblysynda 134 monıtorıng toby jumys isteýde, dep habarlaıdy QazAqparat tilshisi.

BQO densaýlyq saqtaý basqarmasy málim etkendeı, sonyń ishinde 20-sy - Oral qalasynda, 114-i - aýdandarda qyzmet atqaryp otyr.

Kúni búginge deıin sanıtarlyq-epıdemıologııalyq talaptardy saqtaǵamany úshin 634 ákimshilik hattama toltyrylyp, 38,7 mln teńge aıyppul salyndy.

Sondaı-aq dári-dármek baǵasyn ósirgeni, ruqsatsyz satqany jáne tirkeý qujaty bolmaǵany úshin jeke dárihana basshylary men jekelegen adamdarǵa 10,12 mln teńgege 61 aıyppul salyndy.

Óńirde 6850 adamnyń koronavırýsqa shaldyqqany tirkelse, sonyń 6731-i saýyǵyp shyqty. 106 adam kóz jumdy.

Pnevmonııamen aýyrǵan 70 adamnyń 34-i statsıonarda, 36-sy ambýlatorlyq túrde emdelip jatyr.

Pnevmonııadan 206 adam qaıtys boldy.

Qazirgi tańda jasandy tynys alý apparatyna qosylǵan eshkim joq. Bir adam ottegi kontsentratoryn paıdalanýda.

Juqpaly aýrýlar aýrýhanasynda 40 adam jatyr. 4 adam jansaqtaý bóliminde.

Keshe oblysta koronavırýspen aýyrǵan úsh adam tirkeldi.

Mamandar óńirde ósim kórsetkishi tómendegenimen, sanıtarlyq talaptardy bosańsytpaý kerektigin jetkizdi.

Eske sala keteıik, budan buryn Oralda gemodıalız ortalyǵy jańa qonysqa kóshkenin jazǵan bolatynbyz.


Joǵary qaraı