Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Batys Qazaqstanda 13 myńnan astam turǵyn revaktsınatsııadan ótti

2021 jyldyń 28 jeltoqsan 2021 14:45

ORAL. QazAqparat – Batys Qazaqstan oblysynda 13 110 adam revaktsınatsııadan ótti, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, sondaı-aq 4 890 adam Pfizer vaktsınasyn qabyldasa, sonyń 151-i – júkti, 1 977-si – bala emizetin áıelder, 2 462-si – jasóspirimder.

Vaktsınatsııa bastalǵannan beri óńirde 254 667 adam (egilýge tıisti turǵyndardyń 61,4 paıyzy) ekpeniń birinshi, 241 165-i (58,2 paıyzy) ekinshi komponentimen egildi.

Basqarmadan túsken málimetke qaraǵanda, pandemııa bastalǵannan beri 40 038, bıyl 30 817 adam koronavırýs juqtyrdy.

Soń,y aptada aldyńǵymen salystyrǵanda, aýrý juqtyrý kórsetkishi 20 paıyzǵa (13 naýqasqa) ósti.

Kúni búgin oblysta 286 adam ambýlatorlyq, 57 naýqas statsıonarlyq em alýda. Sonyń ishinde jeteýi jansaqtaý bólimshesinde. Bulardyń úsheýi ınvazıvti emes jasandy tynys alý apparatyna, tórteýi ottegi kontsentratoryna qosylǵan.

Jyl basynan beri 682, jeltoqsanda 13, sońǵy aptada 5 adam koronavırýstan kóz jumdy.

Eske sala keteıik, budan buryn BQO-da jańa qaýlyǵa sáıkes saýda úılerine turǵyndar tek «jasyl» mártebemen ǵana kire alatynyn jazǵan bolatynbyz.


Joǵary qaraı