Aýa raıy
Astana -16 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda 11 mln teńgeniń dári-dármegi tárkilendi

2020 jyldyń 6 tamyz 2020 22:50

ORAL. QazAqparat – Batys Qazaqstan oblysynda dárilik zattar men medıtsınalyq buıymdardy qoldaný jáne farmatsevtıkalyq qyzmet salasyndaǵy erejeni buzýdyń 45 deregi anyqtaldy, dep habarlaıdy QazAqparat tilshisi.

BQO prokýratýrasynan túsken málimetke qaraǵanda, 38 adam ákimshilik jaýapkershilikke tartylyp, quny 11 mln teńgeni quraıtyn 6 029 orama, 31 615 ampýla, 5 quty dárilik zattar jáne 2 600 medıtsınalyq buıym tárkilendi.

Sonymen qatar dárilik zattardy urlaý deregi boıynsha 2 qylmystyq is tirkeldi.

Atap aıtqanda, Syrym aýdanynda aýyldyq ambýlatorııa qyzmetkeriniń dárilik zattardy satqany áshkerelendi. Onyń úıinen 50 dana dári-dármek alyndy.

Sol sekildi Báıterek aýdanynda gýmanıtarlyq kómek retinde berilgen dári-dármekti jymqyrý deregi belgili boldy. Dárilik zattardy eriktiler men ákimdik qyzmetkerleri aýdandyq aýrýhanaǵa bergen. Tekseris nátıjesinde 91 orama dárilik zattyń jetispeıtini anyqtaldy.

Qazirgi kezde osy derekter boıynsha sotqa deıingi tergeý amaldary júrgizilýde.

Karantındik shekteý sharalaryn buzǵany, sonyń ishinde betperdesiz júrgeni úshin 304 adamǵa QR Ákimshilik quqyqbuzýshylyq kodeksi 425-baby 1-bóligine sáıkes 30 AEK kóleminde aıyppul salyndy. Mysaly, kólikti betperdesiz júrgizgeni úshin Oralda №2 baǵytta qatynaıtyn avtobýs júrgizýshisi osyndaı jaýapqa tartyldy. Sondaı-aq asa bir qajettiliksiz túngi saǵat 23.00-den keıin kóligimen júrgeni úshin taǵy bir oraldyq turǵyn da jazasyz qalmady.

Qazirgi tańda jedel toptar óz jumystaryn jalǵastyrýda.

Eske sala keteıik, BQO-da karantın tártibin buzǵandarǵa 20 mln teńgeden astam aıyppul salyndy.




Avtor Eljan Eraly
Basty sózder: Batys Qazaqstan oblysy, Karantın,
Joǵary qaraı