Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Batys Qazaqstan oblysynda «Jaıyq barysy» anyqtaldy

2021 jyldyń 7 mamyr 2021 22:25

ORAL. QazAqparat - Oralda qazaq kúresinen Qazaqstannyń Tuńǵysh Prezıdenti Nursultan Nazarbaevtyń júldesi úshin «Qazaqstan barysy» týrnıriniń oblystyq irikteý saıysy márege jetti, dep habarlaıdy QazAqparat tilshisi.

Dástúrli jarysqa oblys aýdandary men Oral qalasynan barlyǵy 13 balýan qatysyp, baq synady.

Fınalda Bórli aýdanynyń ókili Temirlan Kólbaı kaztalovtyq Bekaıdar Meńdeshevti taza utty.

Úshinshi oryn beldesýde báıterektik Erlan Musaǵalıev jaraqatyna baılanysty kilemge shyqpaı qaldy da, jeńis qarsylasy, jańaqalalyq Erasyl Ahmetovke berildi.

Bıylǵy erekshelik, jeńimpazǵa «Jaıyq barysy» beldigi tabys etildi.

Sondaı-aq chempıonǵa - 150 myń, ekinshi oryn ıegerine - 100 myń, úzdik úshtikti túıindegen balýanǵa 50 myń teńge aqshalaı syılyq tapsyryldy.

«Qazaqstan barysy» respýblıkalyq týrnırinde T.Kólbaı men B.Meńdeshev oblys namysyn qorǵaıtyn bolady.

Jarysqa qazaq kúresi oblystyq federatsııasynyń vıtse-prezıdenti Áset Sultanuly demeýshilik kórsetti.

Jalpy, ol qazaq kúresinen aldy respýblıkalyq deńgeıde júlde alyp júrgen balýandarǵa únemi qolushyn berip keledi.

Jarys Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń (rektory Asqar Nametov) jańadan salynǵan, ádemi bezendirilgen sport kesheninde ótti.


















Joǵary qaraı