Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstan oblysynda memlekettik qyzmetshiler 100 paıyz ekpe aldy

2021 jyldyń 24 qyrkúıek 2021 18:18

NUR-SULTAN. QazAqparat - Batys Qazaqstan oblysynda memlekettik qyzmetshiler koronavırýsqa qarsy 100 paıyz ekpe aldy. Bul týraly Batys Qazaqstan oblysy ákiminiń orynbasary Aıdar Nuralıev aıtty, dep habarlaıdy QazAqparat tilshisi.

«Oblysta jyl basynan beri koronavırýs ınfektsııasynyń zerthanalyq rastalǵan 27 849 jaǵdaıy tirkeldi. 100 myń turǵynǵa shaqqanda kórsetkish 4 188 jaǵdaıdy quraıdy. Búginde 22 350 adam dertten jazylyp shyqty. Eger aýrý dınamıkasyna qaraıtyn bolsaq, tamyz aıynan bastap aıtarlyqtaı tómendeý baıqalady. Máselen, shilde aıynda 6 192 jaǵdaı tirkelse, tamyzda naýqastar sany 3 828 adam boldy. Sonymen qatar qyrkúıekte tamyz aıymen salystyrǵanda tómen bolady dep boljap otyrmyz. Epıdemıologııalyq jaǵdaıdy turaqtandyrý úshin birqatar qatań karantındik shekteý is-sharasy qabyldandy. Túngi jáne oıyn-saýyq klýbtardyń, barlardyń jumysyna, oıyn-saýyq, ujymdyq jáne otbasylyq is-sharalarǵa tyıym salýmen qatar kelesi shekteýler qabyldandy. Jabyq ǵımarattarda da, ashyq aýada da ártúrli jármeńkeler ótkizýge tyıym salyndy», - dedi ol Ortalyq kommýnıkatsııalar qyzmetindegi brıfıng barysynda.

Onyń atap ótýinshe, Ashyq jobasyna qatysýshylarǵa da demalys kúnderi lokdaýn engizildi. Atap aıtqanda, jabyq bazarlar, SPA-ortalyqtar, basseınder, sport keshenderi, fıtnes ortalyqtary, sonymen qatar qoǵamdyq tamaqtaný nysandary qyzmeti toqtatyldy.

«Vaktsınatsııalaý bastalǵannan beri 1-komponentpen 218 050 adam, 2-komponentpen 190469 adam egildi. Búginde medıtsınalyq qyzmetkerler, pedagogtar, memlekettik qyzmetshiler jáne quqyq qorǵaý organdarynyń qyzmetkerleri koronavırýs ınfektsııasyna qarsy 100 paıyz ekpemen qamtyldy», - dedi Aıdar Nuralıev.


Joǵary qaraı