Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Batys Qazaqstan oblysynda 310 baladan koronavırýs anyqtaldy

2022 jyldyń 25 qańtar 2022 13:31

ORAL. QazAqparat – Batys Qazaqstan oblysynda jyl basynan beri 310 baladan koronavırýs anyqtaldy, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, óńirde bıylǵy qańtar aıynda 4338, pandemııa bastalǵannan beri 44 408 adamnan indet tabyldy.

Osy aıda Qarashyǵanaq kenishin ıgerip jatqan «QPO b.v.» kompanııasynda 52 adamnyń koronavırýs juqtyrǵany belgili boldy. Olardyń 45-i vahtaǵa kiriser aldynda test tapsyrsa,

jeteýi jumystan tys ýaqytta medıtsınalyq kómekke júgingen.

Qazirgi kezde óńirde 683 tósektik 12 ınfektsııalyq statsıonar jumys isteýde. Bularda 279 naýqas emdelýde, aýrýhanalar 40,8 paıyzǵa tolǵan. Sonyń ishinde 270-i qaladaǵy 510 tósektik 6 statsıonarda jatyr. Jansaqtaý bólimshesindegi 15 naýqastyń jaǵdaıy aýyr.

Jyl basynan beri 6 adam koronavırýstan kóz jumdy.

Basqarmadan túsken málimetke qaraǵanda, oblys boıynsha 263 623 adam (egilýge tıisti turǵyndardyń 63,6 paıyzy) vaktsınanyń birinshi, 247 791-i (59,8 paıyzy) ekinshi

komponentin saldyrdy.

Sondaı-aq 35 245 adam revaktsınatsııadan ótti. 7796 adam Pfizer vaktsınasyn qabyldasa, sonyń 275-i – júkti, 3500-i – bala emizetin áıelder, 4021-i – jasóspirimder.

Eske sala keteıik, budan buryn Batys Qazaqstan oblysynda 35 myńnan astam adamnyń revaktsınatsııadan ótkenin jazǵan bolatynbyz.



Joǵary qaraı