Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bassyzdyq tanytýshylardyń kóshbasshysy nemese naqty bir talap-tilegi bolmady - saıasattanýshy

2022 jyldyń 26 qańtar 2022 16:41

NUR-SULTAN. QazAqparat – Qazaqstandyq saıasattanýshy Qazybek Maıgeldınov elde bolǵan jappaı tártipsizdikterge qatysty óz pikirin bildirdi, dep habarlaıdy QazAqparat tilshisi.

«Derekti fılmde shynaıylyq kórsetilgen. Rasynda da, bulaı bolaryn eshkim kútken joq. Vıdeodan qarasańyz qarapaıym adamdar ne isterin bilmeı, sasqalaqtap júr. Kóp adamdar qalaı áreket etý kerektigin bilmeı qaldy. Sondyqtan da qańtar oqıǵasy elimiz úshin ómirlik sabaq dep oılaımyn. Bir jaǵynan bılikke de sabaq boldy. Sebebi basy beıbit mınıtıngten bastaldy ǵoı. Demek halyq únine ýaqtyly qulaq asý kerek degen sóz. Árıne, qańtar oqıǵasyn beıbit mıtıng deýge bolmaıdy. Beıbit sherý ol zań aıasynda, eshqandaı teketiressiz ótýi kerek», - dedi Qazybek Maıgeldınov.

Saıasattanýshynyń sózinshe, elde bolǵan jappaı tártipsizdikter kezinde arandatýshylyq basym boldy.

«Olardyń ishinde buzaqy da bar, lańkes te bar, arandatýshy da boldy. ıAǵnı el ishine iritki salýshy top. Endigi ýaqytta bul oqıǵa qaıtalanbaýy tıis jáne ondaı jaǵdaıǵa deıin jetkizbeýimiz kerek. Memleket basshysy aıtqandaı, bizdiń basty quralymyz ol – birlik. Elde birlik bar jerde, memleket tutas bolady. Jáne derekti fılmde baıqasańyz, bassyzdyq tanytýshylardyń kóshbasshysy nemese naqty bir talap-tilekteri bolmady. Bas joq, kóz joq qıratyp jatyr. Bir sózben aıtqanda memleketke shabýyl jasaldy. Sondyqtan búgin «Habar» agenttigi usynyp otyrǵan derekti fılmdi qalyń jurttyń kórgeni jón. Halyq oqıǵanyń neden bastalǵanyn jáne qalaı bolǵanyn bilýi kerek», - deıdi ol.

Buǵan deıin habarlaǵanymyzdaı búgin «Habar» agenttiginde elde bolǵan jappaı tártipsizdikterge arnalǵan derekti fılm qalyń kórermen nazaryna usynylady.

Sondaı-aq, atalǵan fılm barysynda áskerı qyzmetker Qýandyq Qusaıynov óz basynan ótken oqıǵamen bólisken edi.


Joǵary qaraı