Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Baspana kezeginde kimder basymdyqqa ıe

2021 jyldyń 10 mamyr 2021 13:50

NUR-SULTAN. QazAqparat – Premer-Mınıstrdiń orynbasary Eraly Toǵjanov Májilis ókiliniń depýtattyq saýalyna bergen jaýabynda turǵyn úı kezeginde kimderdiń basymdyqqa ıe ekenin túsindirdi, dep habarlaıdy QazAqparat tilshisi.

«Kezekte turǵandardy turǵyn úımen qamtamasyz etý máselelerin tıimdi sheshý úshin Memleket basshysynyń tapsyrmasy boıynsha «Qazaqstan Respýblıkasynyń keıbir zańnamalyq aktilerine turǵyn úı saıasatyn reformalaý máseleleri boıynsha ózgerister men tolyqtyrýlar engizý týraly» zań jobasy sheńberinde turǵyn úı saıasatyna jańa tásilder engizilip jatyr. Qarastyrylǵan túzetýler boıynsha azamattardy qoljetimdi turǵyn úımen qamtamasyz etý jónindegi jumystyń negizgi quraly «Otbasy bank» AQ bolady», - dep jazdy Eraly Toǵjanov.

Onyń aıtýynsha, baspana úlestirý keekte turǵan azamattyń áleýmettik mártebesine qaramastan, esepke qoıý kúnine jáne azamattardyń qoljetimdilik satysyna sáıkes júzege asyrylmaq.

Bul jerdegi qoljetimdilik satysyna myna sanattar jatady:

- tabysy 1 eń tómengi kúnkóris deńgeıinen aspaıtyn kezekte turǵandar úshin otbasynyń árbir múshesine arendalyq baspana beriledi;

-tabysy 3,1 eń tómengi kúnkóris deńgeıine deıin kezekte turǵandarǵa «Baqytty otbasy» baǵdarlamasy boıynsha jyldyq mólsherlemesi 2% ıpoteka beriledi;

-tabysy 3,7 eń tómengi kúnkóris deńgeıine deıin kezekte turǵandarǵa «Shańyraq» («5-10-20») baǵdarlamasy boıynsha jyldyq mólsherlemesi 5% ıpoteka usynylady;

«Ol úshin árbir ótinim boıynsha otbasynyń tabysyn, múlki men aktıvterin ashatyn tsıfrlyq kórinis túziledi» - dep jazylǵan Úkimet ókiliniń jaýabynda.


Avtor Esimjan Naqtybaı
Basty sózder: Turǵyn úı, QR Úkimeti,
Joǵary qaraı