Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bas sanıtardyń jańa qaýlysy: Mindetti vaktsına merzimi bekitildi

2021 jyldyń 15 shilde 2021 12:26

NUR-SULTAN. QazAqparat – QR bas memlekettik sanıtar dárigeriniń jańa qaýlysy boıynsha mindetti vaktsınalaý belgilengen uıymdardyń tizimi men ekpe júrgizý merzimi bekitildi, dep habarlaıdy QazAqparat.

Qaýlyda mindetti vaktsınanyń birinshi komponenti 2021 jyldyń 10 tamyzyna deıin, ekinshi komponenti 1 qyrkúıekke deıin egilip bitýi kerek ekeni aıtylǵan. Al qyzmetkerlerin tek vaktsına alǵan jaǵdaıda ǵana shtattyq rejımde jumysqa shyǵaratyn mekemelerdiń tizimi mynadaı:

1. Qyzmet kórsetý obektileri:

- Halyqqa qyzmet kórsetý ortalyqtary (HQKO), «Qazposhta» AQ bólimsheleri, ekinshi deńgeıdegi bankter, qarjy naryǵynyń obektileri, saqtandyrý kompanııalary, jyljymaıtyn múlik jónindegi agenttikter, jarnama agenttikteri, aıyrbastaý pýnktteri, lombardtar, sulýlyq salondary, shashtarazdar, hımııalyq tazalaý oryndary, kir jýý oryndary, fıtnes, sport keshenderi, sporttyq-saýyqtyrý ortalyqtary, SPA jáne massaj salondary/ortalyqtary/kabınetteri, monshalar, saýnalar, basseınder, jaǵajaılar, tıpografııalyq kórsetiletin qyzmetter, tigin atelesi, fotosalondar, aıaq kıim sheberhanalary, gúl dúkenderiniń, aıaq kıim, kıim jóndeý, uıymdastyrý tehnıkasyn jóndeý jónindegi servıs, notarıýs, býhgalter jáne konsaltıng, manıkıýr jáne pedıkıýr, kosmetologııalyq qyzmetterdi kórsetý jónindegi obektiler, ózge de obektiler.

2. Saýda obektileri:

- Saýda úıleri, saýda jelileri, saýda-oıyn-saýyq ortalyqtary, dúkender, shaǵyn marketter, sýpermarketter, gıpermarketter.

3. Mádenıet jáne demalys obektileri:

- Mýzeıler, mýzeı-qoryqtar, kitaphanalar, kontserttik uıymdar, fılarmonııalar, teatrlar, kınoteatrlar, kontsert zaldary, klýbtar, galereıalar, kórmeler, tsırkter jáne basqa da mádenı-demalys uıymdary.

4. Qonaqúı qyzmeti:

- Qonaq úıler, otelder, hostelder, motelder, jataqhanalar, kempıngter jáne taǵy basqalar.

5. Jolaýshylar tasymaly:

- Áýejaılar, temirjol, avtomobıl jáne sý vokzaldary, ózen jáne teńiz porttary, avtostantsııalar/avtoótpe joldary, jolaýshylarǵa qyzmet kórsetý pýnktteri.

6. Bilim berý jáne tárbıeleý uıymdary:

- Mektepter men balabaqshalar, eresekter men balalarǵa arnalǵan oqý-óndiristik kombınattary, basqa da mektepten tys uıymdar.

7.Sanatorıı-kýrorttyq jáne saýyqtyrý maqsatyndaǵy obektiler:

-Sanatorıler, demalys úıleri /bazalary/ aımaqtary, profılaktorııler, balalardyń saýyqtyrý lagerleri (mektep janyndaǵy, qala syrtyndaǵy), týrıstik bazalar jáne basqalar.

8. Qoǵamdyq tamaqtaný obektileri, onyń ishinde uıymdasqan ujymdarda ornalasqan, sondaı-aq tamaq jetkizýdi júzege asyratyn obektiler, strıt-fýdtar.

9. Barlyq úlgidegi medıtsınalyq-áleýmettik obektiler: qarttar, múgedekter úıleri, sábıler úıleri jáne basqalary.

10. Densaýlyq saqtaý uıymdary: onyń ishinde zerthanalar,dárihana uıymdary.

11. Tirshilikti qamtamasyz etý jáne kommýnaldyq sharýashylyq obektileri:

- Sýmen jabdyqtaý, jylýmen jabdyqtaý, elektrmen jabdyqtaý, aýmaqtardy jınaý jáne qaldyqtardy shyǵarý, úı-jaılar men aýmaqtardy dezınfektsııalyq óńdeý uıymdary, avarııalyq-qutqarý qyzmetteri, páter ıeleri kooperatıvteri jáne múlik ıeleriniń birlestikteri.

11.Ekskýrsııalyq qyzmet kórsetetin uıymdar:

- Demalys obektileriniń, oıyn-saýyq oıyn obektileriniń (kompıýterlik klýbtar, bılıard zaldary, boýlıngter, oıyn-saýyq ortalyqtary/saıabaqtary, attraktsıondar, akvaparkter, karaoke, lotereıa klýbtary jáne lotereıa bıletterin satý jónindegi ózge de pýnktter/núkteler jáne basqalar.

12. Baılanys jáne telekommýnıkatsııa obektileri.

Atalmysh qaýly búginnen bastap kúshine endi.
Joǵary qaraı