Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bas prokýror reseılikterdi ábigerge salǵan Finiko qarjy pıramıdasy týraly pikir bildirdi

2021 jyldyń 19 qazan 2021 19:15

NUR-SULTAN. QazAqparat – QR Bas prokýrory Ǵızat Nurdáýletov reseılikterdi ábigerge salǵan «Finiko», «C.Invest» jáne «getdiscount.kz» sııaqty qarjy pıramıdalary týraly pikir bildirdi, dep habarlaıdy QazAqparat tilshisi.

«Finiko», «C.Invest» jáne «getdiscount.kz» qyzmetteri týraly mynany aıtý kerek. Almaty qalasynyń polıtsııa departamenti «Finiko» qarjy uıymyna qatysty Qylmystyq kodekstiń 190-baby 4-bóliginiń 2-tarmaǵy (alaıaqtyq) boıynsha qylmystyq isti tergep-tekserýde. «Finiko» qarjylyq pıramıda ekeni (Reseı Federatsııasynda tirkelgen), anyqtaldy. Іs aıasynda jaýap alynǵan Qazaqstan azamattary «Finiko» salymshysy ekenin jəne bonýs alý úshin basqa adamdardy tartqanyn túsindirdi. Osyǵan baılanysty Reseı Federatsııasyna kúdiktilerden istiń mən-jaıy boıynsha jaýap alý úshin halyqaralyq tergeý tapsyrmasy jiberildi», - dep jazdy bas prokýror Májilis ókilderiniń depýtattyq saýalyna joldaǵan jaýabynda.

Onyń aıtýynsha, atalmysh istiń tergeý barysy Bas prokýratýranyń baqylaýynda.

«C.Invest» qarjylyq pıramıdasyn qurý jəne ony basqarý faktisi boıynsha búgingi kúni qylmystyq is qozǵalǵan joq. Degenmen Qarjylyq monıtorıng agenttiginiń qarjylyq barlaý bólimshesi «S.Invest» hedj-qorynyń qyzmetine taldaý júrgizip, qarjylyq pıramıdanyń belgilerin anyqtady. Atap aıtqanda, bıylǵy 29 maýsymda «S.Invest» kompanııasy aqparattyq tehnologııalar qyzmetterin kórsetý, baǵdarlamalyq qamtamasyz etýdi əzirleý, BAQ-taǵy jarnama boıynsha «Astana» halyqaralyq qarjy ortalyǵynda tirkelgen. Degenmen uıymnyń saıtynda krıptovalıýta saýdasymen, ınvestıtsııalardy basqarýmen, konsýltatsııalar boıynsha qyzmetter kórsetýmen baılanysty qyzmetter usynylǵan. Al bul qyzmetter boıynsha«Astana» halyqaralyq qarjy ortalyǵynan eshbir sertıfıkat almaǵan. Sondyqtan 16 tamyzda AHQO talaby boıynsha «S.Invest» kompanııasy «sinvest.kz» saıtyn joıdy», - deıdi Ǵızat Nurdáýletov.

Atalǵan fakti boıynsha materıaldar 30 qyrkúıekte quqyqtyq baǵalaý úshin ekonomıkalyq tergeý qyzmetine jiberilgen.

Bas prokýrordyń jaýabyna súıensek, «Getdiscount.kz» saıtynda jarııalanǵan zańdylyǵy zerdelengen.

Tsıfrlyq damý, ınnovatsııalar jəne aeroǵarysh ónerkəsibi mınıstrliginiń derekteri boıynsha 29 qyrkúıekte kórsetilgen saıttyń qyzmeti kemshilikter joıylǵanǵa deıin ýaqytsha toqtatyldy.

Óıtkeni serveri shetelde ornalasqan. Olardy joımaǵan jaǵdaıda atalǵan domendik ataýdy Qazaqstan aýmaǵynda paıdalaný toqtatylady.

«Budan basqa, Qarjy monıtorıngi agenttiginiń qarjylyq barlaý bólimshesi «getdiscount.kz» saıtynyń ıeleri týraly məlimetter alý úshin Reseı Federatsııasynyń ýəkiletti organdaryna suraý jiberdi. Olardyń qyzmetinde qarjylyq pıramıda belgileriniń bolýyn kórsetetin jetkilikti negizder bolǵan kezde tıisti aqparat quqyq qorǵaý organdaryna joldanady. Sonymen qatar, Aqparat jəne qoǵamdyq damý mınıstrligi ýəkiletti organdarmen birlesip «Finiko», «C.Invest» jəne «getdiscount.kz» ınternet-resýrstary boıynsha 14 buzýshylyqty anyqtady. Olar boıynsha əleýmettik jeliler əkimshilikterine quqyqqa qarsy materıaldardy alyp tastaýdy talap etip, 4 eskertý hatyn joldady», - delingen Bas prokýrordyń jaýabynda.


Joǵary qaraı