Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bas prokýratýra zańsyz jaýapqa tartylǵan saýdagerlerge arasha tústi

2021 jyldyń 27 qarasha 2021 18:18

NUR-SULTAN. QazAqparat - Bas prokýratýra belgilenbegen jerde saýda júrgizgeni úshin bıznes jáne azamattardy jazaǵa tartýdyń negizdiligin tekserdi, dep habarlaıdy QazAqparat Bas prokýratýraǵa silteme jasap.

Olar kóbinese jaýapqa zańsyz tartylǵany anyqtaldy.

Bul bap boıynsha jaýapkershilik saýda úshin arnaıy oryndar anyqtalǵan kezde ǵana paıda bolýy kerek. Olardy oblystyq, qalalyq jáne aýdandyq ákimder anyqtaıdy («Jergilikti memlekettik basqarý týraly» Zańnyń 27, 31-baptary).

Alaıda, kóptegen óńirlerde mundaı oryndar bolǵan joq, biraq adamdarǵa 12-den 27 myń teńgege deıin aıyppul salyndy.

Mysaly, Jezqazǵan qalasynda (Qaraǵandy oblysy) saýda orny belgilenbegen, buǵan qaramastan kásipkerler jaýapkershilikke tartyldy. Prokýratýranyń sharalary boıynsha 38 is toqtatyldy, qalada saýda oryndary anyqtaldy.

Osyǵan uqsas elimizdiń basqa óńirinde – Aqmola oblysynyń Zerendi aýdanynda prokýrordyń aktisi boıynsha saýda oryndary anyqtaldy (buryn mundaı oryndar bolmaǵan), jaýaptylyqqa tartý týraly 26 zańsyz qaýlynyń kúshi joıyldy.

Jalpy prokýratýranyń sharalary boıynsha 14 myńnan astam zańsyz ákimshilik ister toqtatyldy, ákimdikterdiń sheshimderimen elimizdiń barlyq óńirlerinde 4126 saýda oryny anyqtaldy (jumys jalǵasýda).

Bas prokýratýranyń bastamasymen Saýda jáne ıntegratsııa mınıstrligi osy suraqty baqylaýǵa aldy.


Joǵary qaraı