Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bas prokýratýra zańnamaǵa engiziletin túzetýlerdiń taǵy bir paketin ázirleıdi

2022 jyldyń 19 mamyr 2022 18:52

NUR-SULTAN. QazAqparat – Prezıdent Qasym-Jomart Toqaev Bas prokýratýraǵa 2021 jyldan bergi kásipkerlik nysandardy tekserý qujattaryna taldaý jasaýdy tapsyrdy, dep habarlaıdy QazAqparat tilshisi.

«Bas prokýratýraǵa 2021 jyldan bergi osy sıpattaǵy isterdi qarastyrý kerek. Onyń ústine kásipkerlerdi qylmystyq qýdalaýdyń negizdiligine udaıy taldaý júrgizip otyrý qajet. Onyń málimeti toqsan saıyn Prezıdent ákimshiligine kirgizilip otyrsyn», - dedi Memleket basshysy kásipkerlermen kezdesýde.

Onyń aıtýynsha, Bas prokýratýra quqyq qorǵaý organdary qyzmetkerleriniń qııalynan týyndaıtyn qylmystyq isterdi shuǵyl túrde tyıýǵa tıis.

«Memlekettiń bızneske qolaıly jaǵdaı jasaý saıasatyna kóleńke túsirgen kúsh qurylymdary basshylarynyń jaýapkershiligin arttyrý sharalaryn aıqyndaý mańyzdy. Bas prokýratýradan Joǵarǵy sotpen jáne Úkimetpen birlesip zańnamaǵa naqty túzetýler paketin usynýdy suraımyn. Prezıdent ákimshiligi baqylaýǵa alsyn», - dedi Qasym-Jomart Toqaev.

Memleket basshysy bıznestiń memlekettik aýdıt júıesine qatysty problemalardy únemi kóterip kele jatqanyn atap ótti.

«Tapsyrys berýshi memorgandarǵa júrgizilgen memlekettik aýdıt tekserýleriniń qorytyndysy kásipkerlerdi qylmystyq qýdalaýǵa negiz bolyp jatady. Bul jerde júıe kásipkerler memlekettik aýdıttiń qorytyndysyna shaǵymdana da, negizsiz qylmystyq qýdalaýdan qutyla da almaıtyndaı etip túzilgen. Memlekettik aýdıttiń qorytyndysyna azamattyq tártippen shaǵymdaný múmkindikteri túgel qoldanylyp bitkenshe qylmystyq is qozǵaý múmkin bolmaıtyndaı tetik engizgen abzal. Jalpy alǵanda Bas prokýratýra ulttyq kásipkerler palatasymen jáne bıznes-ombýdsmenmen birge shuǵyl túrde qylmystyq jáne azamattyq-quqyqtyq saladaǵy shekteýler tetigin ázirleýge tıis. Kommertsııalyq daý-damaılardy naqty azamattyq-quqyqtyq tártipte retteýdi qamtamasyz etý – asa m ańyzdy mindet», - dedi Prezıdent

Aıta keteıik, Qasym-Jomart Toqaev Aqordada otandyq bıznes ókilderimen kezdesip jatyr.


Joǵary qaraı