Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bas prokýratýra: Halyq joldaǵan vıdeolar oqıǵanyń mán-jaıyn anyqtaýǵa kómektesip jatyr

2022 jyldyń 22 qańtar 2022 18:18

NUR-SULTAN. QazAqparat – Elimizdiń birneshe óńirinde bolǵan jappaı buzaqylyq kezinde túsirilgen beınejazbalar istiń mán-jaıyn anyqtaýda septigin tıgizýde. Osylaısha qarapaıym azamattar jibergen 1500-den astam beınematerıal zerttelip jatyr. Bul týraly QR Bas prokýratýrasy birinshi qyzmet basshysynyń orynbasary Eldos Qılymjanov málim etti, dep habarlaıdy QazAqparat tilshisi.

«Azamattardyń stopterrorism.kz resmı saıtyna joldanǵan beınejazbalary oqıǵanyń mán-jaıyn anyqtaýǵa eleýli kómek kórsetýde. Atalǵan saıt 12 qańtarda iske qosyldy. Qazirgi ýaqytta 1500-den astam aqparat tústi. Ony tergeýshiler tolyq zertteýde. Osy saıtqa kelip túsken dálel materıaldyń negizinde Almaty qalalyq ákimshiliginiń aldynda bolǵan jappaı tártipsizdikke qatysqan tulǵalardy anyqtadyq», - dedi Eldos Qılymjanov OKQ-de ótken baspasóz máslıhatynda.

Sondaı-aq, Bas prokýratýra ókili septigin tıgizgen, belsendi azamattarǵa alǵysyn bildirdi.

«Esterińizge sala keteıin, bul saıt anonımdi. ıAǵnı, aqparat joldaǵan adam týraly eshkimge aıtylmaıdy. Kelip túsken materıaldar qylmystyq isti tergeý barysynda qoldanylady. Búkil quqyq qorǵaý organdarynyń qyzmeti qaıǵyly oqıǵanyń obektıvti túrde tergelýine jáne zańbuzýshylyqtyń jol bermeýine baǵyttalǵan», - deıdi ol.

Eske sala keteıik, buǵan deıin jappaı tártipsizdik kezinde túsirilgen beınematerıaldardy jınaıtyn saıt ashylǵanyn habarlaǵan edik.


Joǵary qaraı