Aýa raıy
Astana 1 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

«Barys» hokkeı klýbynyń birneshe oıynshysy koronavırýs juqtyryp aldy

2020 jyldyń 17 qyrkúıek 2020 14:45

NUR-SULTAN. QazAqparat – «Barys» hokkeı klýbynyń birneshe oıynshysy koronavırýs juqtyryp aldy. Osyǵan baılanysty hokkeı klýby aldaǵy kezdesýlerin keıinge shegerýge májbúr bolyp otyr, dep habarlaıdy QazAqparat tilshisi.

«Barys» komandasynyń qatysýymen KHL-dyń turaqty chempıonatynyń alty matchy ótýi kerek edi. Atap aıtqanda qazaqstandyq komanda rıgalyq «Dınamomen» 18 qyrkúıek kúni, «Severstal» komandasymen 20 qyrkúıekte, «Metallýrg» komandasymen 22 qyrkúıekte, «Kýnlýn» komandasymen 21 qyrkúıekte, «Vıtıaz» komandasymen 29 qyrkúıekte, «Sochı» komandasymen 1 qazanda kezdesýi kerek bolǵan. Bul oıyndardyń bári de keıinge shegerildi», - dep habarlaıdy sport klýbynyń resmı saıty.

Habarlanyp otyrǵandaı, «Barys» komandasy men jattyqtyrýshylar shtabynyń 12 múshesinen koronavırýs ınfektsııasy anyqtalǵan. Osyǵan baılanysty búkil komanda eki aptalyq karantınnen ótýi kerek.

KHL matchtarynyń qaı kúnge shegerilgeni týraly aldaǵy ýaqytta qosymsha habarlanady.


Avtor Aıan Bekenuly
Basty sózder: Qoǵam, Sport,
Joǵary qaraı