Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Barine Bilim jobasynyń jeńimpaz muǵalimderi anyqtaldy

2021 jyldyń 30 qyrkúıek 2021 20:20

NUR-SULTAN. QazAqparat - «Barine Bilim» shaǵyn granttar jobasy boıynsha «National Teacher Prize Kazakhstan – «Qazaqstan muǵalimi» ulttyq syılyǵy» qaıyrymdylyq jobasyn iske asyrý aıasynda konkýrstyq komıssııa «Qazaqstan muǵalimi» ulttyq syılyǵyna ótinish bergen 30 muǵalimdi iriktep aldy. Endi olardyń mektepterinde 1 mıllıon teńge mólsherinde shaǵyn granttar júzege asyrylady, dep habarlaıdy QazAqparat Jobany Azamattyq bastamalardy qoldaý ortalyǵyna silteme jasap.

Jobanyń negizi maqsaty – shaǵyn granttar jobasyn iske asyrý joly arqyly oqýshylardyń jan-jaqty damýy jáne jahandyq azamattyqty damytý, Qazaqstannyń jalpy bilim beretin oqý oryndaryna jaǵdaı jasaý arqyly «Qazaqstan muǵalimi-2021» ulttyq syılyǵyna qatysýshy muǵalimderdi qoldaý jáne olarǵa kómek kórsetý bolyp tabylady.

Qoǵamdyq mańyzy bar bastamalardy damytý qorynyń tóraǵasy Ermek Majıtovtyń aıtýynsha, shalǵaı jáne aýyldyq jerlerdegi mektep ustazdaryna erekshe kóńil bólinedi.

«Granttyq qarajatty bólýdiń astarynda tikeleı aqshalaı syıaqy emes, belgili bir áleýmettik jobalardy biriktirý maqsaty tur. ıAǵnı muǵalim óz mektebin qoldaý úshin uıymdastyrýshylarmen birge qandaı da bir jobaǵa bastamashylyq etedi. Bul syrtqy nemese ishki kógaldandyrý, kitaphany qoryn, muǵalimniń jumys ornyn (kabınetin) jaqsartý bolýy múmkin», – dedi ol.

Jeńimpazdar tizimine Almaty, Shyǵys Qazaqstan, Qyzylorda, Soltústik Qazaqstan, Pavlodar, Túrkistan, Atyraý, Batys Qazaqstan, Aqmola, Mańǵystaý, Qaraǵandy jáne Aqtóbe oblystary aýyl mektepteriniń muǵalimderi endi.

«Barine Bilim» shaǵyn granttar jobasy «Samruk-Kazyna Trust» áleýmettik jobalardy damytý qory men Qoǵamdyq mańyzy bar bastamalardy damytý qorynyń qoldaýymen «National Teacher Prize Kazakhstan – «Qazaqstan muǵalimi» ulttyq syılyǵy» qaıyrymdylyq jobasyn iske asyrý aıasynda ótýde. Jobany Azamattyq bastamalardy qoldaý ortalyǵynyń kómegimen «Natural Energy» qoǵamdyq qory júzege asyryp jatyr.


Basty sózder: Bilim, muǵalim,
Joǵary qaraı