Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bankter salyq boryshy ótelgen shottardy óz betimen buǵattan bosata alady

2022 jyldyń 17 qańtar 2022 17:05

NUR-SULTAN. QazAqparat – 2022 jyldyń 1 qańtarynan bastap bankter salyq bereshegin tolyqtaı ótegen kásipkerler men zańdy tulǵalardyń shottaryn óz betimen buǵattan bosatýǵa múmkindik aldy, dep habarlaıdy QazAqparat tilshisi.

Bul týraly Memlekettik kirister komıtetiniń baspasóz qyzmeti málim etti. Degenmen, áńgime bank shottarynyń shyǵys operatsııalary týraly bolyp otyr.

«Endi bankter salyq qaryzdaryn tolyqtaı tólegen kásipkerler men zańdy tulǵalardyń bank shottaryn ózdiginen asha alady. Quzyrly organnyń salyq tóleýshiniń bank shottaryndaǵy shyǵys operatsııalaryn toqtata turý týraly ókiminde kórsetilgen bereshek tolyq ótelgen jaǵdaıda bank salyq organynyń ókimdi keri qaıtaryp alýyn kútpeı-aq shyǵys operatsııalaryn derbes jańartýǵa quqyly», - dep jazady komıettiń baspasóz qyzmeti.

Bul ózgerister 2022 jylǵy 1 qańtardan bastap kúshine endi.

Eske salsaq, 2021 jylǵy 1 shildeden bastap salyq bereshegi 18 myń teńgeden kem jeke kásipkerler men zańdy tulǵalardyń banktik shottary buǵattaýǵa shekteý qoıylǵan bolatyn.

«Bul ózgerister kásipkerlikti qoldaýǵa baǵyttalǵan. Salyq zańnamasyna (Salyq kodeksiniń 118-baby) engen ózgeriste boıynsha, zańdy tulǵalardyń, jeke kásipkerlerdiń jáne jeke praktıkamen aınalysatyn adamdardyń bank shottary boıynsha shyǵys operatsııalary salyq bereshegi 6 AEK (2022 jyly 18,4 myń teńge) mólsherinen asyp ketken jaǵdaıda ǵana toqtatyla turady», -delingen resmı túsindirmede.


Joǵary qaraı