Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bankter 4 paıyzdyq avtonesıeniń saqtandyrý polısin birden tóleýdi talap ete almaıdy

2022 jyldyń 20 mamyr 2022 19:33

NUR-SULTAN. QazAqparat – Qazaqstan avtobıznes qaýymdastyǵynyń baspasóz hatshysy Stanıslav O ıÝn Bem bankter 4 paıyzdyq avtonesıeniń saqtandyrý polısin birden tóleýdi talap ete almaıtynyn rastady, dep habarlaıdy QazAqparat tilshisi.

Telegram-arnalar 4 paıyzdyq avtonesıe rásimdeýshilerden VIN-kod talap etilmeıtin bolǵanyn jáne nesıeni saqtandyrý polısiniń qunyn 0,95 paıyzǵa túsirý týraly sheshim qabyldanǵanyn jazyp jatyr.

«Ónerkásipti damytý qory» men «Qazaqstan avtobıznes qaýymdastyǵy» bul málimetterdi ishinara rastady.

Naqtyraq aıtsaq, 4 paıyzdyq avtonesıe rásimdeýshilerden VIN-kod talap etilmeıdi.

«Nesıe rásimdeý úshin VIN-kod usyný talabyn uzynsonar kezek bolmaý úshin alyp tastadyq. Bank úshin eń mańyzdysy – tólem shotyn ákelgen tutynýshynyń tólem qabileti. Al saqtandyrý boıynsha bankterge hat joldap, KASKO saqtandyrý tólemin 7 jylǵa avtonesıe merzimine birden tóleýdi talap etpeý týraly nusqaý berdik. ıAǵnı, saqtandyrý tólemin jylma-jyl tólep otyrýǵa bolady. Tek boryshker avtonesıeniń tutas merzimine saqtandyrý polısin birden tólep tastaǵysy kelse ǵana mundaı operatsııaǵa jol beriledi. ıAǵnı, jylma-jyl tólep otyra ma, álde birden birneshe jylǵa tólep tastaı ma, ony nesıe alýshynyń ózi sheshedi. Bank tek alǵashqy jyldyń saqtandyrý qunyn ǵana suraı alady», - dep túsindirdi «Ónerkásipti damytý qorynyń mamandary.

Qazaqstan avtobıznes qaýymdastyǵynyń baspasóz hatshysy Stanıslav O ıÝn Bemniń aıtýynsha, mundaı másele qazir 4 paıyzdyq avtonesıe berip jatqan 2 banktiń tutynýshylarǵa eki túrli talap qoıýynan paıda bolǵan.

«Qazir avtonesıeni 2 bank berip bastady. Solardyń biri nesıeni saqtandyrý polısiniń qunyn jyl saıyn tóleýge ruqsat berse, ekinshisi nesıe alǵan merzimge túgel aldyn ala tóleýdi talap etken. Mysaly adam 10 mln teńgeniń kóligin almaqshy deıik. Bul baǵdarlama boıynsha, saqtandyrý quny kólik qunynyń 0,95 paıyzyna teń. Al nesıe merzimi 7 jyldan aspaýy kerek. Sonda 7 jyldyq saqtandyrý polısiniń quny 700 myń teńgege jýyqtaıdy. Ondaı aqshany nesıege kólik alǵaly júrgen adamnyń bári birden taýyp bere almaýy múmkin. Sondyqtan bankter birden búkil merzimge tóleý talabyn qoıa almaıtyndaı sheshim qabyldanyp otyr. Ónerkásipti damytý qory bankterge osyndaı eskertpe joldady», - dep túsindirdi qaýymdastyq ókili.

Sondaı-aq, ol 4 paıyzdyq avtonesıeniń buǵan deıingi baǵdarlamasy boıynsha saqtandyrý polısiniń quny qazirgiden joǵary bolǵanyn, 7 jyldaǵy shyǵyny 1,5 mln teńgeden asyp ketken jaıttar bolǵanyn aıtady.

Al jańartylǵan baǵdarlama boıynsha onyń mólsheri kólik qunynyń 0,95 paıyzyna teń.

Buǵan deıin 4 paıyzdyq avtonesıege birinshi bolyp kólik alǵan astanalyq Bekzat Tilegen óz qýanyshymen bólisken edi.


Avtor Esimjan Naqtybaı
Basty sózder: Kólik, Nesıe, Kredıt, Bankter,
Joǵary qaraı