Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Bank qandaı jaǵdaıda sizdiń kartańyzdy buǵattaı alady

2020 jyldyń 29 qarasha 2020 16:56

NUR-SULTAN. QazAqparat - Bank taýarlarǵa tólem jasaý, sondaı-aq aqshany sheship alý boıynsha jeke tulǵanyń kartochkasy arqyly júrgiziletin operatsııalarǵa qandaı jaǵdaıda jáne qandaı negizdeme boıynsha tolyq nemese ishinara tyıym salýy múmkin? Bul jaıynda Fingramota.kz túsindirip beredi.

Jeke tulǵanyń tólem kartochkasyn nemese bank shotyn buǵattaý

Tólem kartochkasyn buǵattaý degenimiz - tólem kartochkasyn qoldanýmen, onyń ishinde taýarlar úshin aqy tóleý men aqshany sheship alý operatsııalaryna tolyq nemese ishinara tyıym salý. Qazaqstan zańnamasynyń sheńberinde «buǵattaý» uǵymy tólem kartochkalaryna qatysty ǵana qoldanylady.

Ulttyq bank basqarmasynyń 2016 jylǵy 31 tamyzdaǵy №205 qaýlysymen bekitilgen Tólem kartochkalaryn shyǵarý qaǵıdasyna, sondaı-aq Qazaqstan aýmaǵynda olardy paıdalana otyryp júrgizilgen operatsııalarǵa qyzmet kórsetý boıynsha qyzmetke qoıylatyn talaptardy bekitý týraly qaǵıdalardyń 80-tarmaǵyna sáıkes emıtent tólem kartochkasyn mynadaı jaǵdaıda buǵattaı alady:

1) tólem kartochkasyn ustaýshydan kartochkanyń joǵalǵany, urlanǵany nemese ruqsatsyz paıdalanylǵany týraly habarlama alǵanda;

2) tólem kartochkasyn ustaýshy kartochkany berý týraly shartty oryndamaǵanda;

3) tólem kartochkasyn paıdalanýdyń emıtent pen tólem kartochkasyn ustaýshy arasyndaǵy shartta kózdelgen ishki qujattaryn saqtamaǵan jaǵdaıda.

Bul rette tólem kartochkasyn buǵattaý talaptary ony shyǵarý týraly shartta kelisiledi.

Zańnamada «kartochkalyq shot» degen bólek uǵym joq jáne tólem kartochkasy - ony ustaýshynyń ádettegi banktik shotyna qoljetimdilik quraly. Bul rette bank shoty klıentke ol bankke ótinish jasaǵan kezde ashylady.

Sondaı-aq, «Tólemder jáne tólem júıeleri týraly» QR Zańynyń 27-babyna sáıkes klıenttiń banktik shotyna shyǵys operatsııalaryn toqtata turý, múlkin ıelenýdi ýaqytsha shekteý túrinde shekteýler salynýy, sondaı-aq banktik shotyndaǵy aqshaǵa tyıym salynýy múmkin.

Shyǵys operatsııalaryn júrgizýge shekteý ýákiletti memlekettik organdardyń nemese laýazymdy tulǵalardyń tıisti sheshimderiniń (salyq tólemegen, tergeý jumystary júrgizilgen kezde, alaıaqtyq operatsııalarǵa kúdik bolǵan kezde) ne Qarjy mınıstrliginiń Qarjylyq monıtorıng komıtetiniń terrorızm men ekstremızmdi qarjylandyrýǵa baılanysty uıymdar men tulǵalardyń tizbesine engizilgen uıymdar men jeke tulǵalar týraly aqparatynyń negizinde salynady.

Tyıym salýdy sot sot aktileriniń jáne sot oryndaýshylary sot oryndaýshylarynyń prokýror sanktsııalaǵan qaýlylarynyń negizinde, Qazaqstan Respýblıkasynyń qylmystyq is júrgizý zańnamasynda jáne Atqarýshylyq is júrgizý týraly zańda kózdelgen tártippen salady.

Al eger eńbekaqy alatyn karta bolsa?

Eńbekaqy alatyn tólem kartochkasy eshqandaı jeńildik bermeıdi. Onyń kádimgi tólem kartochkasynan esh aıyrmashylyǵy joq.

Sondyqtan eńbekaqy alatyn tólem kartochkasyn buǵattaý ondaı kartany shyǵarý týraly shartta belgilengen buǵattaý talaptaryna sáıkes barlyq kartalarǵa arnalǵan ortaq negizderde júzege asyrylýy múmkin.

Bank shoty boıynsha shyǵys operatsııalaryn toqtata turý nemese shottaǵy aqshaǵa tyıym salý zańnamada belgilengen normalarǵa sáıkes júzege asyrylady.

ıAǵnı, ýákiletti memlekettik organdardyń nemese laýazymdy tulǵalardyń klıenttiń banktik shoty boıynsha shyǵys operatsııalaryn toqtata turý týraly tıisti ókimderi nemese tyıym salý aktileri bolǵan jaǵdaıda, kartochka buǵattalady.

Bank sanktsııa týraly habarlaýǵa mindetti me?

Tólem kartochkasyn shyǵarý týraly shartta banktiń klıentke tıisti habarlamalardy jiberý tártibi, tásilderi, jaǵdaılary tolyq jazylýǵa tıis. Bank pen klıenttiń mundaı qarym-qatynasy sharttyq qatynastarmen retteledi. Shartty muqııat oqyńyz!

Bank qandaı da bir tranzaktsııany buǵattaýǵa quqyly ma?

Iıa, múmkin. Mysaly, tólem kartochkasy boıynsha kúmándi, kúdikti operatsııalardan ótý kezinde. Kartochkamen sanktsııalanbaǵan (alaıaqtyq) operatsııalardyń aldyn alý úshin bankter olardyń jekelegen túrlerine júıelik shekteýler belgileýi múmkin.

Olardy belgileý talaptary, sondaı-aq alý tártibi de tólem kartochkasyn shyǵarý týraly shartta jazylǵan.

«Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» zańnyń normalarynda bankter osyndaı faktilerdiń aldyn alý jáne jolyn kesý maqsatynda operatsııany kúdikti dep tanyǵan kezde ony ótkizgenge deıin dereý QR Qarjymıni QMK-ǵa habarlaýǵa mindetti ekendigi belgilengen.

Bul rette eger banktiń klıenti - uıym nemese jeke tulǵa terrorızmdi jáne ekstremızmdi qarjylandyrýmen baılanysty uıymdar men tulǵalardyń tizbesine kiretin bolsa, bankter olardyń banktik shottary boıynsha shyǵys operatsııalaryn dereý toqtata turýǵa mindetti.

Eger karta nemese shot buǵattalsa ne isteý qajet?

Eger osyndaı jaǵdaı oryn alsa, banktiń qoldaý qyzmetine júginý qajet. Klıenttiń banktik shotyndaǵy aqshany jumsaý ýákiletti memlekettik organdardyń nemese laýazymdy tulǵalardyń tıisti aktileri/sheshimderi/ókimderi negizinde shektelgen jaǵdaıda, túsinik alý úshin tıisti ýákiletti memlekettik organǵa nemese laýazymdy tulǵaǵa júgingen durys.

Tólem kartochkasy buǵattalǵan jaǵdaıda, soǵan baılanystyrylǵan banktik shot boıynsha operatsııa emıtent banktiń bólimshesinde kassa arqyly júrgizile alady. Bul rette jeke basyn kýálandyratyn qujatty kórsetý qajet.

Kartochkany óz betińshe buǵattan shyǵarýǵa bola ma?

Eger tólem kartochkasyn klıenttiń ózi buǵattaǵan jaǵdaıda ǵana ony banktiń ınternet-resýrsynda jeke kabınette buǵattan shyǵarýǵa bolady.

Tólem kartochkasy buǵattalǵan ne bank shoty boıynsha shyǵys operatsııalary toqtatylǵan kez kelgen jaǵdaıda karta ıeleri bankke suratý jibere alady jáne bank túsinikteme berýi tıis.

Eger bank áreketiniń zańdy ekendigine kúmándansańyz, óz quqyqtaryńyzdy qorǵaý úshin sot organdaryna da, sol sııaqty qarjy retteýshisine de júgine alasyz.


Basty sózder: QR Ulttyq banki, Bankter, Qarjy,
Joǵary qaraı