Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Balqashta jol apatynan eki adam qaza tapty

2021 jyldyń 22 qańtar 2021 10:42

BALQASh. QazAqparat – «Qaraǵandy – Balqash» avtojolynda júk kóligi men jeńil kólik soqtyǵysyp, qaldy. Jol-kólik oqıǵasy saldarynan eki adam qaza taýyp, bireýi aýrýhanada jatyr, dep habarlaıdy QazAqparat.

21 qańtarda «Qaraǵandy-Balqash» avtojolynda 59 jastaǵy «SHACMAN» júk kóliginiń júrgizýshisi Qaraǵandy qalasyna kele jatqan «VAZ» avtokóligimen soqtyǵysqan. Aldyn ala málimetter boıynsha, júk kóliginiń júrgizýshisi rýldi basqara almaı, joldyń qarsy jolaǵyna shyǵyp ketken. Jeńil kólikti 35 jastaǵy polıtsııa qyzmetkeri tizgindegen.

Jol apaty saldarynan «VAZ» avtokóliginiń jolaýshylary, 30 jastaǵy polıtsııa qyzmetkeri jáne 46 jastaǵy oblys turǵyny alǵan jaraqatynan oqıǵa ornynda kóz jumdy. «VAZ» avtokóliginiń júrgizýshisi túrli jaraqattarmen Balqash qalasynyń ortalyq aýrýhanasyna jetkizildi.

«Qaraǵandy oblysynyń Іshki ister organdarynyń basshylyǵy men jeke quramy qaza tapqandardyń týystary men jaqyndaryna qaıǵyryp kóńil aıtady. Qaza tapqan polıtsııa kapıtany Dáýren Qabdyǵalıev 2009 jyldyń mamyr aıynan bastap qyzmette, úılengen, eki balasy bar», - dep habarlady Qaraǵandy oblysy PD baspasóz qyzmeti.

Atalǵan fakti boıynsha QR QK 345-baby 4-bóligine sáıkes, qylmystyq is tirkeldi. Tergeý amaldary júrgizilip jatyr.


Joǵary qaraı