Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Balqashta sý deńgeıi shekti mólsherden 1 metr joǵary tur – mınıstr

2022 jyldyń 24 mamyr 2022 12:10

NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Serikqalı Brekeshev BAQ ókilderine Balqash kóline tartylyp qalý qaýpi tónip turmaǵanyn jetkizdi, dep habarlaıdy QazAqparat tilshisi.

«Balqash kóliniń jaǵdaıy týraly mynany aıtýǵa bolady. Geografııa jáne sý qaýipsizdigi ınstıtýty zertteý júrgizgen bolatyn. Jalpy Іle-Balqash óńirinde ahýal turaqty. Ǵalymdardyń sendirýinshe, Balqashtyń tartylyp qalý qaýpin kórip otyrǵan joqpyz. Balqash kólindegi sý deńgeıiniń shetin belgisi Baltyq bıiktik júıesi boıynsha 341 metr dep belgilengen. Qazirgi tańda kóldegi sý deńgeıi 342 metr bolyp tur», - dedi vedomstvo basshysy Úkimet otyrysynan keıin BAQ ókilderiniń suraǵyna bergen jaýabynda.

Mınıstr byltyr bekitilgen ulttyq jobada Balqash kóline quıar sýdyń kólemin ulǵaıtý sharalary kózdelgeninn eske saldy.

«Іle ózeniniń Qapshaǵaı sý qoımasynan tómen tusynda qarymta rettegish salý josparlanǵan. Budan bólek qytaılyq áriptesterimizben kelissóz júrip jatyr. Balqash kóliniń erekshe ekologııalyq mańyzy bar. Sondyqtan sý bólisý kezinde bul máseleler pysyqtalady», - dedi Serikqalı Brekeshev.

Ótken aıda Balqash kólin damytýdyń bas jospary ázirlengeni habarlanǵan edi.


Joǵary qaraı