Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Balqashta kópbalaly otbasylar úshin ekoúıler salynady

2021 jyldyń 19 sáýir 2021 21:36

BALQASh. QazAqparat – Qaraǵandy oblysynyń Balqash qalasynda kópbalaly otbasylar úshin ekoúıler salynady, dep habarlaıdy QazAqparat tilshisi.

«Qońyrat» shaǵynaýdanynda energııa únemdeıtin 10 ekoúıdiń qurylysy úshin jer telimin daıyndaý júrýde. Kelesi aptada qurylys jumystary bastalady. Mundaǵy páterlerdi halyqtyń áleýmettik osal toptaryna jatatyn balqashtyqtar alady.

Balqash qalasynyń ákimi Oraz Táýirbekov «Jyly úıler fabrıkasy» kompanııasymen memorandýmǵa qol qoıdy. Qaraǵandylyq ınvestorlar sheshilmeıtin qalyptan turǵyn úı salady. Mundaı qurylys senimdilikpen, únemdilikpen jáne búkil qurylymdy salýdyń qarapaıymdylyǵymen sıpattalady.

200 sharshy metrge jýyq bir ǵımarat eki otbasyna bólinedi. Olar sý, káriz jáne ortalyq jylý júıelerine qosylady, qorshaýlar qoıylady. Investordyń aıtýynsha, Balqash kóshesindegi ekoúı kúzdiń sońynda paıdalanýǵa beriledi. Mundaı turǵyn úı Nur-Sultan men Qaraǵandyda bar.

Búginde turǵyn úı kezeginde 1 500-den astam balqashtyq tur. Baspana máselesin sheshý úshin qala basshylyǵy jeke qurylys salýshylardy belsendi túrde jumyldyrýda. 2021 jylǵa ınvestorlarmen alty memorandým jasaldy. «Qońyrat» shaǵynaýdanynan basqa, qurylys 10-shy shaǵynaýdan men Shashýbaıda júrip jatyr.





Joǵary qaraı