Aýa raıy
Astana -23 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Balqashta kóligine qarý-jaraq pen oq-dári salyp alǵan mas júrgizýshi ustaldy

2020 jyldyń 30 qazan 2020 20:10

BALQASh. QazAqparat - Balqash qalasynyń polıtseıleri qarý-jaraq pen oq-dári tasymaldap kele jatqan mas júrgizýshini ustady, dep habarlaıdy QazAqparat.

29 qazan tańǵy 05.00 shamasynda Balqash qalasy polıtsııa bóliminiń patrýl polıtsııa qyzmetkerleri «Almaty - Ekterınbýrg» tasjolynda memlekettik nómiri joq «Toıota Land Krýzer» avtokóligine nazar aýdardy.

Polıtseıler mashınany toqtatýǵa tyrysqanymen, júrgizýshi zańdy talaptarǵa kónbedi. Qashqan mashınany polıtseıler ustady.

«Kóliktiń rólinde Almaty qalasynyń 37 jastaǵy turǵyny bolǵan. Odan spırttik ishimdiktiń ıisi burqyrap shyǵyp turdy. Polıtseıler kóliktiń ishinen atys qarýy jáne oǵan kerek oq-dári, metalldan jasalǵan taıaq tárkiledi. Kýálandirý kezinde júrgizýshiniń alkogoldik mas bolǵany anyqtaldy» dep jazady polıtsııa departamenti Instagram paraqshasynda.

Qazaqstan Respýblıkasynyń QK 287-baby boıynsha qylmystyq is qozǵalyp, tergeý júrip jatyr.

Odan basqa, quqyq buzýshy kólik quralyn mas kúıinde basqarǵany úshin ákimshilik jaýapkershilikke tartylady.


Avtor Janat Qapalbaeva
Basty sózder: Qaraǵandy oblysy, Oqıǵa,
Joǵary qaraı