Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Balqashta Dinmuhamed Qonaevqa eskertkish ornatyldy

2022 jyldyń 14 mamyr 2022 18:51

TALDYQORǴAN. QazAqparat - Búgin Almaty oblysy Balqash aýdanynyń Baqanas aýylynda memleket jáne qoǵam qaıratkeri Dinmuhamed Qonaevtyń eskertkishi ashyldy, dep habarlaıdy QazAqparat tilshisi.

«Halqymyzdyń birtýar perzenti, memleket jáne qoǵam qaıratkeri Dinmuhamed Ahmetuly Qonaevtyń týǵanyna bıyl 110 jyl. Memleket basshysy Qasym-Jomart Kemelulynyń Jarlyǵymen Qapshaǵaı qalasyna Qonaevtyń esimi berildi. Búgin, mine, qazaqtyń aıaýly perzentine zor qurmet kórsetilip, eńseli eskertkish ornatyldy. Іri tulǵalardyń eren eńbekterin úlgi etip, ulylardy ulyqtaý – basty paryzymyz. Dinmuhamed Qonaevtyń boıyndaǵy ultjandylyq jastarǵa juǵysty bolsyn! Qazaqtyń dara tulǵasynyń eskertkishi qutty bolsyn!» – degen Qanat Bozymbaev eskertkish avtorlary men halyqaralyq «Dinmuhamed Qonaev qoryna» alǵys aıtty.





Eskertkish kúrti granıtinen jasalǵan. Tuǵyrynyń bıiktigi - 2 m, músininiń bıiktigi - 3,30 m, tutastaı alǵanda – 5,30 m. Músinniń avtory – Altaı Beısenov, sáýletshisi – Bekzat Beısenova. Eskertkish demeýshiler esebinen turǵyzyldy.

Dinmuhamed Ahmetulynyń urpaǵy Eldar Asqaruly Qonaev bul kúndi - tarıhı kún dep baǵalady. Dinmuhamed Qonaev úshin ata-babasynyń týǵan jeri Baqanastyń, ondaǵy jurtshylyǵynyń jóni men joly árqashan erekshe bolǵanyn atap ótip, halyqtyń nıeti men peıiline áýletteri atynan rızashylyq bildirdi.





QR Parlamenti Senatynyń depýtaty Beıbit Isabaev halyq yqylasy men kóńilinen shyqqan tulǵaǵa degen qurmetti eshkim de, eshqandaı kúshpen de toqtata almaıtynyn erekshe atap ótti.

Al, general-leıtenant Amangeldi Shabdarbaev «Baqanasqa Dımash Ahmetulynyń eskertkishin qoıý - Balqash halqynyń armany edi, uzaq kútken arman búgin oryndaldy», - dedi.

Jıyn sońynda Dinmuhamed Qonaev rýhyna quran baǵyshtalyp, as berildi.

Eske sala keteıik, jýyrda Qapshaǵaı qalasyna Qonaevtyń aty saltanatty túrde berildi.


Avtor Samal Qabysheva
Basty sózder: Qonaev, Almaty oblysy, Qoǵam, Ákimdik,
Joǵary qaraı