Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Balqash qalasynyń órt sóndirýshisi «Erligi úshin» medalimen marapattaldy

2021 jyldyń 11 qańtar 2021 23:15

BALQASh. QazAqparat – Balqash qalasynyń órt sóndirýshisi Raýan Maıkotov kórsetken erligi úshin Prezıdenttiń jarlyǵymen «Erligi úshin» medalimen marapattaldy. Saltanatty shara elordada Jańa jyl aldynda ótti. Týǵan jeri Balqashta da onyń erligi joǵary baǵalandy. Ol «Jyl patrıoty» dep tanylyp, oǵan 100 myń teńge tabystaldy, dep habarlaıdy QazAqparat tilshisi.

Búginde Balqashtyń ár turǵyny Raýan Maıkotov týraly biledi. 5-shi AÓSB aǵa órt sóndirýshi-qutqarýshysy órtenip jatqan páterden eki balany alyp shyqqan.

Órt bolǵan kezde Raýan Maıkotov demalysta bolǵan. Ol jumystarymen júrip, Sátbaev shaǵynaýdanyndaǵy úıdiń aldynan kópshilikti kórdi. Úshinshi qabattaǵy páterdiń terezesinen qoıý tútin shyǵyp jatqan. Eń aldymen azamattyq qorǵaý serjanty sıgnaldyń órt sóndirý bólimine túskenine kóz jetkizdi. Sodan keıin ol páterde adamdar bar-joǵyn surady. Kórshiler úsh jáne alty jastaǵy eki bala bar ekenin aıtqan.

Órt sóndirýshi kelesi kireberis arqyly úshinshi qabatqa kóterildi. Páter ıesi Raýan Maıkotovty balkonǵa jibergen. Bir qolymen qorshaýdan ustap turǵan er adam terezeni ashyp, janyp jatqan páterge kirgen. Jas jigit shoshyp ketken balalardy balkondaǵy kórshisine tapsyrǵan. Osy ýaqytta kelgen órt sóndirýshiler órtti sóndire bastaıdy.

«Men bólmeniń buryshynda eki balany kórdim. Oılanýǵa ýaqyt bolmady, men nusqaýlardy avtomatty túrde oryndadym. Eki balany qutqarýǵa kómektese alǵanyma qýanyshtymyn», - deıdi Raýan Maıkotov.


Joǵary qaraı