Aýa raıy
Astana -11 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Baqytjan Saǵyntaev «Zerdeli» yqshamaýdanyndaǵy jaǵdaıdy óz baqylaýyna aldy

2020 jyldyń 30 qazan 2020 12:01

ALMATY. QazAqparat - Alataý aýdanyna jumys sapary kezinde Almaty ákimi Baqytjan Saǵyntaev «Zerdeli» yqshamaýdany turǵyndarymen kezdesti, dep habarlaıdy QazAqparat tilshisi.

Ákim úılerdi tekserý ári nyǵaıtý boıynsha júrgizilip jatqan jumystar týraly aıtyp berdi.

Qala ákiminiń baspasóz hatshysy Áset Muqajanov habarlaǵandaı, Almaty ákimi turǵyndardy barlyq úılerdiń tekseriletinine, qajet bolǵan jaǵdaıda nyǵaıtylatyndyǵyna sendirdi.

«Qarjy bólindi, jumys júrip jatyr», - dedi ákim.





Sonymen qatar, Baqytjan Saǵyntaev jóndeý jumystaryna jáne yqshamaýdan aýmaǵyn abattandyrýǵa qatysty qoıylǵan suraqtarǵa jaýap berdi. Alataý aýdanynyń ákimi Azamat Qaldybekovke tıisti tapsyrmalar berildi.





2016 jyly 6 úıdiń irgetasy nyǵaıtylǵan bolatyn (1/136, 1/148, 1/170, 1/153, 1/156, 1/158). Kúsheıtý jáne tegisteý jumystary kepildik mindettemeleri aıasynda merdigerlerdiń qarjysy esebinen júrgizildi. Bıyl ákimdiktiń tapsyrmasy boıynsha «QazQSǴZI» AQ mamandary qalǵan 24 turǵyn úıdiń irgetastary men tireýish qurylymdaryna saraptama júrgizgen edi.

Búginde 7 úıdi nyǵaıtý týraly qorytyndy jasaldy. Onyń ishinde 4 úıdiń irgetastaryn nyǵaıtý (1/160, 1/161, 1/179, 1/180) jumystary aıaqtaldy. Qazirgi kezde 3 úı (1/165, 1/167, 1/168) nyǵaıtylyp jatyr. Qalǵan 17 úıge saraptama júrgizilip jatyr. Tekserý 2020 jyldyń jeltoqsan aıynda aıaqtalady. Qorytyndy alynǵannan keıin, qajet bolǵan jaǵdaıda nyǵaıtý jumystary júzege asyrylady.

«Zerdeli yqshamaýdanynda 30 kóppáterli 9 qabatty turǵyn úı 2012-2016 jyldary salynǵan bolatyn.





Joǵary qaraı