Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Baqytjan Saǵyntaev Qazanda bolǵan oqıǵadan qandaı sabaq alý kerektigin aıtty

2021 jyldyń 12 mamyr 2021 22:44

ALMATY. QazAqparat – Almaty qalasynyń ákimi Baqytjan Saǵyntaev Qazandaǵy qaıǵyly oqıǵadan keıin Almaty mektepteri men balabaqshalarda qaýipsizdik sharalary kúsheıtilgenin aıtty, dep habarlaıdy QazAqparat tilshisi.

«Almatydaǵy mektepter men balabaqshalarǵa beınebaqylaý kameralarymen jabdyqtalǵan. Qazir bári nazarǵa alyndy. Desekte, zertteýler kórsetkendeı, biz kórmeı qalatyn aımaqtar bar. Sondyqtan búginde balabaqshalar men mektepterde mundaı aımaqtardyń bolmaýyn qamtamasyz etý boıynsha jumys júrgizilýde. Mektep-ınternattardy qadaǵalaý kerek, onda da bala kóp. Kez kelgen nárse bolýy múmkin.Qazanda bolǵan jaǵdaıdy eskere otyryp, biz endi qosymsha sharalar qoldanamyz. 1 qyrkúıekke deıin COVID-19 jaǵdaıy búgingiden áldeqaıda jaqsarady jáne balalar mektepke barady degen úmit bar. Osy 3,5 aı ishinde biz mekteptiń qaýipsizdigin tek ishki jaǵynan ǵana emes, sonymen qatar syrtqy perımetr boıynsha, onyń ishinde balabaqshalar qaýipsizdigin kúsheıtý boıynsha kóptegen daıyndyq jumystaryn júrgizýimiz kerek», - dedi Baqytjan Saǵyntaev.

Sonymen qatar, ol mektep ınspektorlary men psıhologtarynyń jumysyn kúsheıtý qajet ekenin atap ótti.

«Mamandardyń aıtýynsha, mundaı minez-qulyqty erterek anyqtaýǵa bolady. Balanyń qandaı da bir qaıǵyly jaǵdaıǵa ákeletin áreketiniń aldyn alýǵa bolady. Sondyqtan biz mektepter men balabaqshalardyń qaýipsizdigi boıynsha jumys isteıtin bolamyz. Balalarymyz ózderin tolyqtaı qaýipsiz sezinýi úshin bárin jasaımyz «, - dedi ol.

Eske sala keteıik, 11 mamyrda Qazan qalasyndaǵy Faızı kóshesindegi mektepte belgisiz eki adam oq jaýdyrǵan bolatyn.

Atys kezinde 8 adam qaza taýyp, taǵy 21 adam zardap shekkeni habarlaǵan edi.

Aıta keteıik, memleket basshysy Qasym-Jomart Toqaev Qazan qalasyndaǵy gımnazııada reseılik oqýshylardyń qaza tabýyna baılanysty Reseı Federatsııasynyń Prezıdenti Vladımır Pýtınge kóńil aıtty.

Qaıǵyly jaǵdaıǵa baılanysty Tatarstan Prezıdenti Rýstam Mınnıhanov 12 mamyrdy respýblıkada aza tutý kúni dep jarııalaǵan bolatyn.


Avtor Alma Muqanova
Basty sózder: Bilim, Qoǵam, Qaýipsizdik, Almaty,
Joǵary qaraı