Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Baqytjan Saǵyntaev densaýlyǵyna baılanysty demalysqa shyqty

2021 jyldyń 2 jeltoqsan 2021 19:15

ALMATY. QazAqparat - Baqytjan Saǵyntaev densaýlyǵyna baılanysty demalysqa shyqty. Bul týraly Almaty qalasy ákiminiń baspasóz hatshysy Áset Muqajanov málim etti, dep habarlaıdy QazAqparat tilshisi.

«Áriptester, Baqytjan Ábdiruly densaýlyǵyna baılanysty demalysqa shyqqanyna osymen úsh kún boldy. Tańerteń Almaty Investment Forum 2021-ge qatysa almady. Óıtkeni ol em qabyldap jatyr. Oǵan angına dıagnozy qoıyldy, qyzýy bar», - dedi Áset Muqajanov.

Desekte, megapolıs ákimi Baqytjan Saǵyntaev Almaty Investment Forum 2021 aıasynda ótken «Jańa Jibek joly megaqalalary» telekópiriniń jumysyna onlaın formatta qatysty.

Shara barysynda Baqytjan Saǵyntaev óziniń densaýlyǵyna alańdaǵan adamdarǵa alǵysyn aıtty.

«Men de et pen súıekten jaralǵan adammyn. Mende sozylmaly angına (tamaq aýrýy) bar. Birneshe kúnnen beri aýyryp, osy jaǵdaıǵa tap boldym. Dárigerlerdiń arqasynda jaqsymyn. Olarǵa rahmet. Sharaǵa túski deıin qatysa almadym. Biraq tústen keıingi paneldik sessııada men sizdermen birgemin. Densaýlyǵyma alańdaǵandaryńyz úshin rahmet. Men jelilerdi qaradym, tezirek saýyǵyp ketýimdi tilep jatyr. Jaqyn kúnderi jumysqa kirisemin», - dedi Baqytjan Saǵyntaev.


Avtor Alma Muqanova
Basty sózder: Ákim, Almaty,
Joǵary qaraı