Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Baqytjan Saǵyntaev almatylyqtardy koronavırýstyń qaıta órshýine jol bermeýge shaqyrdy

2021 jyldyń 20 qazan 2021 20:21

ALMATY. QazAqparat - Almaty ákimi Baqytjan Saǵyntaev koronavırýs ınfektsııasynyń taralý dınamıkasy týraly aıtyp, pandemııany toqtatýdyń jalǵyz ári senimdi tásili - vaktsına ekenin eske saldy, dep habarlaıdy QazAqparat tilshisi.

«Almaty» telearnasyndaǵy Akimat LIVE baǵdarlamasynyń tikeleı efırinde qala ákimi koronavırýs boıynsha epıdemıologııalyq ahýaldyń áli de kúrdeli ekenin aıtty.

Ótken táýlikte COVID-19-dyń 312 jaǵdaıy tirkeldi, onyń 303-i - sımptomdy.

Epıdemııa bastalǵannan beri 175 434 adam vırýs juqtyrdy. Al jyl basynan beri – 156 913 jaǵdaı anyqtaldy.

KVI dertin juqtyrý bazalyq boljam boıynsha turaqtanyp ári tómendep jatyr.

Derttiń tómendeý qarqyny saqtalsa, onda aıdyń sońynda juqtyrý deńgeıi táýligine 300-den kem bolady degen boljam bar.

Ótken aptada, aldyńǵymen salystyrǵanda, úı oshaqtarynda ınfektsııa 4%-ǵa, sondaı-aq jumys ornynda 0,9%-ǵa, týystarmen, kórshilerimen jáne tanystarymen baılanys kezinde 0,6%-ǵa aıtarlyqtaı ósti.

Sondaı-aq, qoǵamdyq kólikte – 4,8%-ǵa, saýda obektilerinde – 1,5%-ǵa juqtyrýdyń kúrt ósýi baıqalady.

Negizgi juqtyrý oryndary saýda obektileri – 35%, qoǵamdyq kólik – 24%, otbasylardaǵy baılanystar – 20% jáne bazarlarda – 10%.

Infektsııalyq statsıonarlarda 1 255 adam jatyr. Onyń 31-i bala.

Keshe birinshi komponentpen 1 581 adam, ekinshi komponentpen 2 691 adam vaktsınalandy. Bıylǵy jyldyń 1 aqpanynan 19 qazanǵa deıingi barlyq kezeńde І komponentpen 981 759 adam, II komponentpen 906 264 adam vaktsınalandy.

Baqytjan Saǵyntaev shetelderdegi, sonyń ishinde derttiń kezekti ósýi tirkelgen Reseıdegi jaǵdaıǵa nazar aýdardy.

Sondyqtan Almaty ákimi turǵyndardy KVI pandemııasynyń órshýine jol bermeýge, vaktsına saldyrýdy keıinge qaldyrmaýǵa shaqyrdy.

Vaktsınalanǵan ár adam ahýaldy turaqtandyrýǵa jáne shekteýlerdi joıýǵa aıtarlyqtaı úles qosatyn bolady.


Avtor Alma Muqanova
Basty sózder: Ákim, Almaty, Koronavırýs,
Joǵary qaraı