Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Baqyt Sultanovtyń issaparǵa arnaıy bort paıdalanýynyń sebepteri túsindirildi

2022 jyldyń 20 mamyr 2022 19:41

NUR-SULTAN. QazAqparat – Premer-Mınıstrdiń orynbasary – QR Saýda jáne ıntegratsııa mınıstri Baqyt Sultanovtyń issaparlary kóp jaǵdaıda ekonom-klasspen júrgiziledi. Bul týraly mınıstrliktiń baspasóz qyzmeti túsinikteme berdi, dep habarlaıdy QazAqparat tilshisi.

«Bıznes-klass tek shuǵyl jaǵdaıda, ekonom-klass bıletteri bolmaǵan kezde ǵana jasalǵan. QR Úkimetiniń 2018 jylǵy 11 mamyrdaǵy «Bıýdjet qarajaty esebinen qyzmettik issaparlarǵa, onyń ishinde shet memleketterge issaparlarǵa arnalǵan shyǵyndardy óteý qaǵıdalaryn bekitý týraly» №256 qaýlysyna sáıkes, Premer-Mınıstrdiń orynbasarlaryna bıznes-klass tarıfi boıynsha áýe kóligimen ushýǵa ruqsat beriledi», - dep túsindirdi Saýda jáne ıntergatsııa mınıstrliginiń baspasóz qyzmeti.

Sonymen birge, vedomstvo bıylǵy aqpan aıynda Almaty qalasy men Almaty oblysyndaǵy jumys saparyna jeke toqtaldy.

«Osy naqty jaǵdaıda máselelerdi sol jerde sheshý úshin birqatar múddeli memlekettik organ ókilderinen turatyn delegatsııanyń ushyp shyǵýy qajet bolǵanyn atap ótken jón. Osyǵan baılanysty arnaıy bort («Búrkit» memlekettik avıakompanııasy» lıterlik reısi) paıdalanyldy. Aqpan aıyndaǵy Almatyǵa jumys sapary Qyrǵyz Respýblıkasy Úkimetimen halyqaralyq kelissózge jáne Qyrǵyz Respýblıkasy men Reseı Federatsııasy delegatsııalarymen úshjaqty kelissózge baılanysty boldy», - dep jazylǵan resmı jaýapta.

Bul issaparda qazaqstandyq delegatsııa quramyna birqatar múddeli memlekettik organdardyń ókilderi kirgen.

Qazaqstan tarapyn Premer-Mınıstrdiń orynbasary – Saýda jáne ıntegratsııa mınıstri Baqyt Sultanov, qyrǵyz delegatsııasyn Mınıstrler Kabıneti tóraǵasynyń birinshi orynbasary Arzybek Kojoshev bastaǵan.

Reseı delegatsııasynda Reseı Qarjy mınıstriniń orynbasary - stats hatshysy Alekseı Sazanov jáne keden, salyq qyzmetteriniń basshylyǵy bolǵan.

«Olar Qazaqstan-Qytaı shekarasyndaǵy «Nur joly» ótkizý beketine, «Qorǵas-Shyǵys qaqpasy» erkin ekonomıkalyq aımaǵyna jáne «Qorǵas» ShYHO-ǵa barǵan. Basty maqsat – júk tasymalynyń biryńǵaı elektrondyq kezeginiń problemalaryn sheshý jáne júk tasymaldaýdyń jeke operatorlaryn alyp tastaý arqyly olardyń qunyn edáýir tómendetý bolǵan. Aıta keteıik, shuǵyl máselelerdi sheshýge eki kún ǵana ýaqyt berildi. Osyǵan baılanysty jedel jetý maqsatynda osyndaı jaǵdaılarǵa arnalǵan arnaıy bort paıdalanyldy», - deıdi mınıstrik.

Jalpy jyl basynan beri Baqyt Sultanov shamamen 15 jumys issaparyna barǵan. Olardyń kópshiligi sheteldik issaparlar, onyń ishinde Memleket basshysynyń sapary da bar.

Buǵan deıin Premer-Mınıstr orynbasary, Qarjy mınıstri Erulan Jamaýbaev ta ekonom-klaspen qatynaıtynyn aıtqan edi.


Joǵary qaraı