Aýa raıy
Astana -11 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Baǵdat Mýsın memorgandardyń aqparattyq júıesinen kemshilik tapqandarǵa syıaqy berýdi usyndy

2020 jyldyń 29 qazan 2020 17:11

NUR-SULTAN. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın eldegi tsıfrlandyrýdy arttyrýǵa qatysty bes bastamany aıtyp berdi, dep habarlaıdy QazAqparat tilshisi.

«Árıne, aqparattyq qaýipsizdik boıynsha turǵyndarda úlken suraq týyndaıdy. Pandemııa kezinde báriniń ınternetke kirgeni túsinikti. Munda belgili bir sharalardy atqarýǵa mindettimiz. Sondyqtan jaqynda qurylǵan aqparattyq qaýipsizdik komıteti bes baǵytty usynyp otyr. Onyń birinshisi, qazaqstandyq ınternet-keńistiktegi 150 myń domendik ataý bar jáne osy 150 myń domenniń barlyǵy belgili bir qorǵaýda bolýy úshin komıtetke júginýge quqyly. Arnaıy veb-totem qosymshasyn ornatylady jáne qandaı da bir aqaý anyqtalsa, saıt ıesine habarlanady», - dedi mınıstr Ortalyq kommýnıkatsııalar qyzmetinde ótken brıfıngte.

Sonymen birge, turǵyndardy memlekettik organdardyń jeke derekterdi paıdalanǵany týraly habardar etý servısin de engizý josparlanǵan.

«2010 jyldary halyqqa qyzmet kórsetý ortalyqtary qarqyn alyp, derekter bazasynan anyqtamalar alynǵanda HQKO operatorlary osy qoljetimdilikti paıdalanyp, adamdardyń jeke aqparatyn kóre alady degen kúdikke ilindi. Bul máseleni sheshý úshin ár adamnyń aqparatyn suratý faktileri elektrondy úkimettegi jeke kabınette kórsetilip otyrdy. Endi dál osyndaı qaǵıda basqa memlekettik organdarǵa da qatysty bolady», - dep túsindirdi B. Mýsın.

Sondaı-aq, mınıstrlik qazaqstandyqtarǵa ınternettegi ózi týraly aqparatty óshirý múmkindigin berýdi usynady. Qazirdiń ózinde komıtet ınternettegi aqparatty óshirý boıynsha birneshe ótinishti maquldaǵan.

Al tórtinshi usynys – derekter bazasyndaǵy jeke málimetterdi qoldanýǵa ruqsat berýmen baılanysty.

«Qazir bankten nesıe alǵanda siz ózińiz týraly aqparatty paıdalanýǵa kelisim beresiz. Biraq, nesıe ótelgen soń bankpen qarym-qatynasyńyz úziledi. Biraq bank nemese birinshi kredıttik bıýro nemese memlekettik kredıttik bıýro qandaı da bir algorıtmderdi qurý úshin sizdiń aqparatyńyzdy alýǵa quqyly. Munyń bári jeke málimetter. Sondyqtan biz adamdarǵa jeke derekterdi paıdalaný kelisimderin qaıtaryp alý múmkindigin bergimiz keledi», - deıdi mınıstr.

Sóz sońynda mınıstr aqparattyq júıelerdegi, onyń ishinde memlekettik organdardyń aqparattyq júıelerindegi kemshilikti tapqan qazaqstandyqtarǵa syıaqy taǵaıyndaýdy usyndy.


Joǵary qaraı