Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Baǵanǵa, úıdiń qorshaýyna soǵyldy: Almatyda avtokólik 1 adamdy mert qyldy

2021 jyldyń 15 qazan 2021 19:40

ALMATY. QazAqparat - Almatyda nómiri joq avtokólik eki adamdy qaǵyp, úıdiń qorshaýyna soǵyldy. Saldarynan 1 adam kóz jumdy, dep habarlaıdy QazAqparat tilshisi.

Almaty qalalyq Polıtsııa departamentiniń málimetinshe, jol apaty 15 qazan kúni saǵat 15:00 shamasynda Súıinbaı dańǵylynda boldy.

«Memlekettik nómiri joq «Audi S-2» markaly kóliktiń júrgizýshisi Súıinbaı dańǵylymen soltústik baǵytta kele jatyp, № 200-shi ǵımaratqa qarama-qarsy jerde joldy kesip ótpek bolǵan 1997 jyly týǵan S. esimdi jaıaý júrginshi qaǵyp ketti. Sodan keıin ınertsııamen qarsy jolaqqa shyǵyp, avtobýs aıaldamasynda turǵan 1996 jyly týǵan A. esimdi jigitti qaqty. Odan ári jaryq baǵany men № 204 úı qorshaýyna soǵyldy», - dedi Almaty qalasy PD anyqtaý bóliminiń bastyǵy Oljas Sháripov.

Jol apaty saldarynan S. esimdi 24 jastaǵy qyz oqıǵa ornynda kóz jumdy. Al, A.esimdi 26 jastaǵy jigit Almatydaǵy aýrýhanalardyń birine jetkizildi.

«Atalǵan derek boıynsha QR Qylmystyq kodeksiniń 345-baby 3-bóligi boıynsha sotqa deıingi tergeý bastaldy», - dedi polıtsııa ókili.


Joǵary qaraı